Tomas Francis
Chwaraewr rygbi'r undeb o Loegr sydd wedi chwarae dros Gymru yw Tomas Francis (ganwyd 27 Ebrill 1992). Mae'n chwarae yn safle'r prop pen tynn. Mae'n chwarae i glwb yr Exeter Chiefs ar hyn o bryd.
| Tomas Francis | |
|---|---|
| Ganwyd | 27 Ebrill 1992  Efrog |
| Dinasyddiaeth | y Deyrnas Unedig |
| Alma mater |
|
| Galwedigaeth | chwaraewr rygbi'r undeb |
| Taldra | 185 centimetr |
| Pwysau | 129 cilogram |
| Chwaraeon | |
| Tîm/au | Exeter Chiefs, London Scottish F.C., Doncaster R.F.C., Tîm rygbi'r undeb cenedlaethol Cymru |
| Safle | prop |
| Gwlad chwaraeon | Cymru |
Mae Francis yn enedigol o Efrog a chafodd ei addysg yn Ysgol Sedbergh a Choleg Ampleforth. Graddiodd Tom o Brifysgol Leeds yn 2013 gyda gradd mewn Peirianneg Fecanyddol.
Arwyddodd Francis ei gytundeb proffesiynol cyntaf gyda Doncaster Knights ym mis Chwefror 2012 pan oedd yn 19 oed. Roedd yn chwarae i glwb amatur Malton a Norton RUFC, ac yno y cyflwynwyd ef i rygbi pan oedd yn 4 oed.[1] Symudodd at Albanwyr Llundain yn 2013 ar ôl i Doncaster gael ei diraddio i National League 1, a chwaraeodd mewn 23 o gemau i'r clwb hwnnw cyn mynd at yr Exeter Chiefs y flwyddyn ganlynol.[2] Daeth i'r cae fel eilydd pan enillodd yr Exeter Chiefs yn erbyn Wasps a chael eu coroni yn bencampwyr Uwch Gynghrair Lloegr 2016-17.[3]
Gyrfa ryngwladol
golyguMae Francis yn gymwys i chwarae dros Gymru drwy ei fam-gu, Eirlys Walters, a aned yn Abercraf.[4] Cafodd ei alw i hyfforddi gyda Chymru am y tro cyntaf ar 9 Mawrth 2015,[5] a chafodd ei ychwanegu i'r garfan cyn gêm olaf Pencampwriaeth y Chwe Gwlad 2015 yn erbyn yr Eidal.[6] Er hynny, bu raid iddo aros tan 29 Awst 2015 cyn ennill ei gap cyntaf, a hynny mewn gêm gyfeillgar yn erbyn Iwerddon i baratoi ar gyfer Cwpan y Byd.[7]
Bu hefyd ar daith y Llewod i Seland Newydd yn 2017.
Dechreuodd Francis bob un gêm heblaw'r un yn erbyn yr Eidal ym Mhencampwriaeth y Chwe Gwlad 2019, gan sicrhau'r Gamp Lawn gyntaf i Gymru ers 2012.
Cyfeiriadau
golygu- ↑ "Malton and Norton's Tom Francis majors on upwardly mobile lift". York Press. 30 March 2012.
- ↑ "Exeter Chiefs sign London Scottish prop Tomas Francis". BBC Sport. 3 April 2014.
- ↑ "Premiership final: Wasps 20-23 Exeter Chiefs (aet)". BBC. 27 May 2017. Cyrchwyd 24 September 2018.
- ↑ "Cardiff Blues target Exeter Chiefs prop Tomas Francis but Joaquin Tuculet and Lucas Amorosino set to leave". Wales Online. 24 March 2015.
- ↑ "Six Nations 2015: Wales call in Scarlets hooker Ken Owens". BBC Sport. 9 March 2015.
- ↑ "Tomas Francis called up to Wales' Six Nations Squad". Exeter Express And Echo. 16 March 2015. Archifwyd o'r gwreiddiol ar 3 April 2015. Unknown parameter
|deadurl=ignored (help) - ↑ "Rugby World Cup warm-up: Ireland 10-16 Wales". BBC Sport. 29 August 2015.