Torri Gwynt

Rhaglen gomedi oedd Torri Gwynt a ddarlledwyd yn wreiddiol ar S4C rhwng 1983 ac 1987. Prif berfformiwr y sioe oedd Dewi Pws ynghyd a'i gyd-berfformwyr rheolaidd Nia Caron, Gareth Lewis a William Thomas. Roedd y gyfres yn cynnwys nifer o sgetsus deifiol, dwl a dychanol gyda chymeriadau selog fel 'Ricky Hoyw', 'Vic a Mansel', 'Elfed Celt' a theulu 66 Chemical Gardens, Cynhyrchwyd y gyfres gan HTV Cymru.

Torri Gwynt
Genre	Comedi
Gwlad/gwladwriaeth	Cymru
Iaith/ieithoedd	Cymraeg
Nifer cyfresi	5
Cynhyrchiad
Amser rhedeg	30 munud
Cwmnïau cynhyrchu	HTV Cymru
Darllediad
Sianel wreiddiol	S4C
Fformat llun	576i (4:3 SDTV)
Rhediad cyntaf yn	1983 – 1987

Un o gymeriadau mwyaf cofiadwy y gyfres oedd Ricky Hoyw, canwr gwallt euraidd mewn crysau blodeuog a'i frest flewog agored, yn canu caneuon serch a oedd yn gyfiethiadau Cymraeg (gwael) o ganeuon Saesneg. Roedd y chwaer rhaglen Rhagor o Wynt yn ddrama gomedi gyda'r un perfformwyr craidd ac yn gyfle i adrodd storiau hirach dros hanner awr - darlledwyd hwn rhwng 1986 ac 1989.

Mae'r gyfres yn cael ei hystyried yn un o glasuron comedi Cymraeg ac wedi eu ail-ddarlledu sawl gwaith ar S4C. Creuwyd sawl ymadrodd adnabyddus gan gymeriadau y rhaglen yn cynnwys "Blydi static!", "Odw glei", "Teli-fision".

Dolenni allanol

• Caneuon Ricky Hoyw ar YouTube