Trwbador
Band gwerin electroneg o Gaerfyrddin oedd Trwbador.
 | |
| Enghraifft o'r canlynol | band  |
|---|---|
| Dod i'r brig | 2010 |
| Dechrau/Sefydlu | 2010 |
| Genre | cerddoriaeth electronig |
| Gwefan | http://www.TRWBADOR.co.uk |
Aelodau'r band oedd Angharad Van Rijswijk ac Owain Gwilym. Arferent ddisgrifio'u hunain fel deuawd 'avant Pop'; roedd eu caneuon dwyieithog yn felodig a thylwyth-tegaidd gyda hiwmor tywyll a brathog ar brydiau, megis 'I'll Google It' a 'Red Handkerchiefs'. Ymhlith eu caneuon nodedig mae: "All animals are friends of mine" a "Meat is murder, but it tastes so fine".
Cyhoeddodd y band 2 EP ar ei label ei hun, 'Owlet Music', sef It Snowed a Lot this Year ac yn fwy diweddar, Sun in the Winter. Mae adleisiau o nifer o ddylanwadau i'w clywed yng ngherddoriaeth y band, fel Gold Panda, Pentangle a Gorky's Zygotic Mynci. Mae llais Angharad yn dwyn atgofion o Alison Goldfrapp hefyd. Ond roedd y cyfuniad o'r gwerin a'r electroneg, neu 'folktronika' yn ddatblygiad newydd a chafodd Trwbador dipyn o lwyddiant y tu allan i Gymru hefyd.
Daeth y band i ben ym mis Medi 2015.
Disgyddiaeth golygu
Albymau golygu
- Trwbador (2013)
- Several Wolves (2014)
EP a Senglau golygu
- It Snowed A Lot This Year EP (2010)
- Sun in the Winter EP (2011)
- Safe sengl (2013)
- Mountain / Once I Had a Love sengl (2013)
- Breakthrough (Ft. Essa) sengl (2014)