Tu Chwith
Cylchgrawn Cymraeg sy'n trafod diwylliant a'r celfyddydau ydy tu chwith.
| Enghraifft o'r canlynol | cylchgrawn  |
|---|---|
| Iaith | Cymraeg |
Mae'r cylchgrawn yn cael ei gyhoeddi ddwywaith y flwyddyn ac mae gan bob rhifyn thema wahanol. Cafwyd rhifynnau'n trafod: Gwreiddiau, Anhysbys, Digidol a'r Eisteddfod Genedlaethol. Mae'r cylchgrawn yn cynnwys ysgrifennu creadigol a gwreiddiol gan gynnwys erthyglau ac ysgrifau gan awduron profiadol ac awduron newydd a llwyfan i arddangos gwaith celf artistiaid ifanc.
Dechreuwyd y cylchgrawn yn y 1990au cynnar gan Simon Brooks a grŵp o fyfyrwyr yn Aberystwyth gyda'r bwriad o gyhoeddi ysgrifennu radical.[1] Bwriad y cylchgrawn yw sicrhau bod lle i ysgrifennu heriol a radical yn y Gymraeg a chynnig llwyfan i bobl ifanc gyhoeddi eu gwaith am y tro cyntaf.
Ers colli grant blynyddol o £6,000 gan y Cyngor Llyfrau yn 2011 mae tu chwith wedi cyhoeddi rhifynnau heb gymorth ariannol.[2] Mae'r cylchgrawn yn ddibynnol ar waith gwirfoddol y golygyddion y Bwrdd Golygyddol a'r cyfranwyr.
Cyhoeddwyd rhifyn olaf tu chwith yn 2014, dan olygyddiaeth Gruffudd Antur ac Elis Dafydd.[3]
Cyfeiriadau
golygu- ↑ Gwefan Tu Chwith Archifwyd 2010-09-16 yn y Peiriant Wayback Adalwyd ar 16-01-2011
- ↑ Dileu grant cylchgrawn Cymraeg – ‘cywilyddus’ Golwg360.com 18 Tachwedd 2011
- ↑ "www.gwales.com - E113504053, Tu Chwith 40". www.gwales.com. Cyrchwyd 2019-12-23.
Dolen allanol
golygu- Gwefan swyddogol tu chwith Archifwyd 2010-09-16 yn y Peiriant Wayback