Tudur Hallam

Mae Tudur Rhys Hallam (ganwyd 1975) yn athro yn y Gymraeg, ym Mhrifysgol Abertawe. Enillodd y Gadair yn Eisteddfod Genedlaethol 2010 gyda'i gerdd Ennill Tir, yn deyrnged i'r athro Hywel Teifi Edwards. Mae'n arbenigo mewn llenyddiaeth ddiweddar, llenyddiaeth y canon, beirniadaeth lenyddol, a drama.

Tudur Hallam
Ganwyd	Tudyr Rhys Hallam  1975  Treforys
Dinasyddiaeth	Cymru
Alma mater	Prifysgol Aberystwyth
Galwedigaeth	academydd

Bywgraffiad

Cafodd ei eni yn Nhreforys a'i fagu ym Mhenybanc, Rhydaman. Ei rieni yw Peter a Glesni Hallam ac mae ganddo ddau frawd, Gwion a Trystan. Mynychodd Ysgol Gymraeg Rhydaman ac Ysgol Gyfun Maesyryrfa. Aeth ymlaen i Brifysgol Aberystwyth ac enillodd Gadair yr Eisteddfod Ryng-golegol ddwywaith.

Ymunodd ag Adran y Gymraeg, Prifysgol Abertawe, yn 1999, a chwblhaodd ei ddoethuriaeth yno. Fe'i penodwyd i Gadair y Gymraeg yn 2011.

Bywyd personol

Mae'n briod a Nia ac mae ganddynt ddau fab a merch. Mae'n byw ym mhentref Foelgastell.