Walter o Hereford

Arglwydd Normanaidd Y Fenni oedd Walter o Hereford neu Walter de Hereford (bu farw yn 1159 neu 1160). Cyfeirir ato gan yr hanesydd Eingl-Normanaidd Orderic Vitalis yn ei lyfr yr Historiae Ecclesiasticae.[1]

Walter o Hereford
Bu farw12 g Edit this on Wikidata
TadMiles of Gloucester, 1st Earl of Hereford Edit this on Wikidata
MamSibyl de Neufmarché Edit this on Wikidata
LlinachGloucester Edit this on Wikidata

Etifeddodd Walter rhan o diroedd ei dad, Miles o Gaerloyw, Iarll 1af Henffordd, ond chwalwyd yr etifeddiaeth. Roedd y tiroedd hyn yn cynnwys rhannau o Swydd Gaerloyw a Swydd Henffordd. Gwasgwyd Walter allan o'r tiroedd hynny a daeth yn arglwydd Y Fenni yn 1155. Aeth i ymuno yn y Croesgadau a bu farw ym Mhalesteina yn 1159 neu 1160 heb adael olynydd.[2]

Cafodd ei olynu fel arglwydd Y Fenni gan ei frodyr Henry a Maihel. Lladdwyd Henry mewn ysgarmes â Seisyll ap Dyfnwal a bu farw Maihel trwy ddamwain pan syrthiodd carreg arno wrth i weithwyr atgyweirio ei gastell yn y Bronllys.[3]

Cyfeiriadau golygu

  1. D. Simon Evans (gol.), Historia Gruffud vab Kenan (Caerdydd, 1977), tud. cxviii.
  2. David Walker, The Norman Conquerors (Abertawe, 1977), tud. 71.
  3. The Norman Conquerors, tud. 71.