Wicipedia:Wici Cymru/Cofnodion 19 Mehefin 2013

Presennol

Elfed Williams (Cadair), Les Barker, Huw Williams, Martin Evans-Jones, Phil Jonathan, Gwyn Williams, Robin Owain, Eleri James (Skype) a Mike Peel (Wikimedia UK).

1. Cyfarfodydd a gweinyddiaeth mwy ffurfiol.: Cytunwyd:

i gyfarfod yn fisol, derbyn adroddiad gan Reolwr Cymru 5 diwrnod cyn y cyfarfod nesaf, newid y lleoliad i rywle ychydig mwy ffurfiol ee canolfan DVLC

2. Llwybrau Byw! / Partneriaeth ffurfiol gyda Wikimedia UK: Trafodwyd:

fod y gwaith papur wedi'i orffen gan WMUK (derbyniwyd a drafft terfynol ganddynt heddiw 19/06/20130) a bod pawb wedi derbyn copi o'r 5 dogfen.
fod hysbysebion uniaith Gymraeg wedi ymddangos yn Golwg360 a'r Cymro a rhai dwyieithog mewn mannau eraill.
y dyddiad cau: 21 Mehefin, 2013 a'r cyfweliadau ar 26 Mehefin
yn absenoldeb RO cafwyd trafodaeth am y cyfweliad

Cytunwyd:

fod y gwaith a wnaethpwyd hyd yma ar y cyd gyda WMUK yn dderbyniol ac awdurdodwyd ein Cadeirydd i arwyddo'r cytundeb ar ein rhan, ddydd Llun, os nad oes aelod o'r pwyllgor yn cysylltu ag ef cyn hynny.
derbyn cynnig Eleri iddi gynorthwyo i roi trefn ar yr ochr ariannol o ddydd i ddydd.
ein bod yn chwilio am gyfreithiwr/wraig i ymuno â ni ar y pwyllgor.

3. Ffurfio Elusen: Trafodwyd:

y dadleuon o blaid ac yn erbyn, gan gynnwys ffurfio Cwmni cyfyngedig dielw
Oherwydd mai WMUK felly fydd yn cyflogi'r Rheolwr (ac yntau/hithau'n cael ei secondio i Wici Cymru) yna mae'r Cyfansoddiad angenrheidiol (math Sylfaen) ar gyfer ffurfio Gymdeithas Corfforedig Elusenol yn demplad gwahanol, di-aelodau.

Cytunwyd:

i wneud cais i'r Comisiwn Elusennau i ffurfio Cymdeithas Corfforedig Elusenol
gwahodd yr aelodau sydd wedi mynychu cyfarfodydd Wici Cymru i fod yn ymddiriedolwyr i'r elusen.

Trafodwyd a derbyniwyd:

4. Dyddiad y cyfarfod nesaf: 17 Gorffennaf, 2013

Diolchodd y Cadeirydd i bawb am eu hamser a'u gwaith.