Young Marble Giants

Young Marble Giants.
Young Marble Giants.
	‎
	Alison Statton, Peter Joyce, Philip Moxham, Stuart Moxham tua 1978/79
Gwybodaeth gefndirol
Tarddiad	Caerdydd
Cerddoriaeth	Post-punk; New Wave; Minimaliaeth
Blynyddoedd	1978-80; Ail ffurfio 2006
Label(i) recordio	DZ Block Records; Rough Trade; Domino
Cyn aelodau
	Alison Statton; Peter Joyce; Philip Moxham; Stuart Moxham

Roedd y Young Marble Giants yn grŵp new wave o Gaerdydd rhwng 1978 a 1980, gan ail-ffurfio am rhai blynyddoedd yn 2006.

Yr aelodau oedd y gantores Alison Statton gyda'r brodyr Philip a Stuart Moxham ar gitarau. Doedd y band ddim am gael drymiwr felly defnyddiwyd tapiau o beiriant drymiau Peter Joyce a fu hefyd yn aelod yn y dyddiau cynnar. Mae organ trydanol i'w clywed ar rhai o'u caneuon.^[1]

Roedd eu sŵn minimalaidd, moel, yn debyg i recordiad demo syml ac yn dra gwahanol i'r steil ymosodol punk ar ddiwedd y 70au. Dywedodd Stuart Moxhan roedd y sŵn y band yn mynd yn erbyn eithafion y cyfnod.

Rhyddhawyd un sesiwn i raglen John Peel ar BBC Radio 1 ac un LP Colossal Youth (ar label Rough Trade) a recordiwyd mewn 5 diwrnod a chymysgwyd mewn 20 munud.^[2]

Ni chafodd y band fawr o sylw neu lwyddiant masnachol ar y pryd, ond wnaethon nhw deithiau ar gyfandir Ewrop ac yn yr Unol Daleithiau.

Mae'r LP Colossal Youth bellach yn cael ei gyfrif fel clasur gan feirniad cerddoriaeth a cherddorion. Er enghraifft dywedodd Kurt Cobain o Nirvana a Gruff Rhys o Super Furry Animals roedd y Young Marble Giants wedi bod yn ddylanwad mawr arnynt.^[3]