Afon Ddawan
Afon yn ne Bro Morgannwg, Cymru, yw Afon Ddawan (Saesneg: River Thaw). Nid yw'n afon fawr ond mae'n llifo trwy ardal hanesyddol sy'n adnabyddus heddiw fel bro mebyd y llenor amryddawn a ffugiwr hynafiaethau Iolo Morganwg.
 | |
| Math | afon  |
|---|---|
| Daearyddiaeth | |
| Sir | Bro Morgannwg |
| Gwlad |  Cymru |
| Cyfesurynnau | 51.3828°N 3.3961°W |
| Aber | Môr Hafren |
 | |
Gorwedd tarddle'r afon yn y bryniau isel rhwng Eglwys Fair y Mynydd a Llanhari. Llifa ar gwrs deheuol trwy'r Fro, heibio neu drwy Llansanwyr, Pen-llin, Y Bont Faen, Llanfleiddan, Llandochau, Trefflemin (y pentref lle magwyd Iolo Morganwg), a Sain Tathan, i gyrraedd Môr Hafren yn Aberddawan. Ei hyd yw tua 10 milltir.