Ail Gyngor y Fatican

Cyngor eglwysig gan yr Eglwys Gatholig Rufeinig oedd Ail Gyngor Eciwmenaidd y Fatican (Lladin: Concilium Oecumenicum Vaticanum Secundum) a geisiodd ymdrin â pherthynas yr Eglwys gyda'r byd modern.[1][2] Hwn oedd cyngor cyntaf ar hugain yr Eglwys Gatholig a'r ail i'w gynnal ym Masilica Sant Pedr yn Ninas y Fatican ar ôl Cyngor Cyntaf y Fatican (1869–70). Agorodd y cyngor, drwy Esgobaeth y Pab, dan y Pab Ioan XXIII ar 11 Hydref 1962 a daeth i ben dan y Pab Pawl VI ar Ŵyl yr Ymddwyn Difrycheulyd ar 8 Rhagfyr 1965.

Delwedd:Second Vatican Council by Lothar Wolleh 007.jpg, Second Vatican Council by Lothar Wolleh 005 cropped.jpg, Konzilseroeffnung 2.jpg
Data cyffredinol
Enghraifft o'r canlynolsynod Edit this on Wikidata
Dechreuwyd11 Hydref 1962 Edit this on Wikidata
Daeth i ben8 Rhagfyr 1965 Edit this on Wikidata
Tudalen Comin Ffeiliau perthnasol ar Gomin Wicimedia
Y Pab Pawl VI yn ystod Ail Gyngor y Fatican.

O ganlyniad i'r cyngor bu nifer o newidiadau yn athrawiaeth ac arferion yr Eglwys, gan gynnwys adnewyddu cysyniad y bywyd cysegredig, ymdrechion eciwmenaidd, a'r galwad cyffredinol i sancteiddrwyd.[3] Un o brif negeseuon y cyngor oedd Rhyfeddod y Pasg a'i bwysigrwydd i fywyd Cristnogion a'r flwyddyn Gristnogol.[4] Newidiodd y mwyafrif o eglwysi i'r iaith frodorol yn hytrach na Lladin yn yr Offeren, a gwelwyd llai o dlysau gan y wisg glerigol. Adolygwyd gweddïau'r cymun a'r calendr litwrgïaidd, a rhoddwyd yr hawl i weinyddwr yr Offeren wynebu'r gynulleidfa neu ochr ddwyreiniol yr eglwys. Cyflwynwyd nifer o newidiadau modern yng ngherddoriaeth y litwrgi a chelfyddyd Gatholig. Mae nifer o'r newidiadau hyn yn ddadleuol gan Gatholigion hyd heddiw.

Ymhlith y rhai a gyfranodd at sesiwn agoriadol y cyngor roedd pedwar dyn a ddaeth yn bab: y Cardinal Giovanni Battista Montini, sef Pawl VI; yr Esgob Albino Luciani, sef Ioan Pawl I; yr Esgob Karol Wojtyła, sef Ioan Pawl II; a'r ymgynghorwr diwinyddol Joseph Ratzinger, sef Bened XVI.

CyfeiriadauGolygu

  1. Pope Paul VI (21 Tachwedd 1964). "Lumen gentium". The Holy See. Cyrchwyd 7 June 2016.
  2. Gaudium et spes [Pastoral Constitution on the Church in the Modern World], II Vatican council, Rome, IT: Vatican, http://www.vatican.va/archive/hist_councils/ii_vatican_council/documents/vat-ii_const_19651207_gaudium-et-spes_en.html.
  3. Motu Proprio Sanctitas clarior
  4. http://w2.vatican.va/content/benedict-xvi/en/speeches/2013/february/documents/hf_ben-xvi_spe_20130214_clero-roma.html