Ani Glass

Cantores Gymreig o dras Cernywaidd yw Anna Eiluned Saunders (ganwyd 20 Hydref 1984 yng Nghaerdydd)^{[angen ffynhonnell]} sy'n fwy adnabyddus am ei enw llwyfan Ani Glass. Mae hi hefyd yn arlunydd a ffotograffydd.

Ani Glass
Ganwyd	1984
Dinasyddiaeth	Cymru
Galwedigaeth	canwr

Bywgraffiad

Ei chwaer yw'r gantores Cernywaidd-Gymreig arall, Gwenno. Ei thad yw Tim Saunders, y bardd ac ieithydd Cernyweg. Ganwyd Saunders yng Nghaerdydd.

Gyrfa gerddorol

Gyrfa gynnar (2004–2011)

Cyn ymuno â'i chwaer yn y Pipettes yn 2008, roedd hi'n aelod o'r grŵp ‘Genie Queen’, a reolwyd gan Andy McCluskey o'r grŵp Orchestral Manoeuvres in the Dark. Fel aelod o'r Pipettes, hi ysgrifennodd a recordiodd ail albwm y grŵp, Earth vs The Pipettes yn 2010.

Wedi'r Pipettes (2011–yn awr)

Ar ôl i'r Pipettes chwalu yn 2011 daeth yn ôl i Gaerdydd i ddechrau gweithio fel cerddor unigol. Ar ôl cyhoeddi tair cân fel lawrlwythiad digidol yn ystod 2015-6, (dewiswyd un fel cân y wythnos ar Radio Cymru) daeth ei EP cyntaf, Ffrwydrad Tawel yn 2017. Ei halbwm cyntaf a ddilynodd yn 2020, sef Mirores (Observer), gyda chaneuon yn y Gernyweg, Saesneg a Chymraeg. Enillodd wobr Albwm Cymraeg y flwyddyn yn yr Eisteddfod Genedlaethol yn 2020 yn ogystal â chyrraedd rhestr fer Gwobr Cerdd Cymraeg 2020.

Dylanwad diwylliannol

Urddwyd hi fel bardd Gorsedh Kernow yn 2013 gyda'r enw barddol 'Mirores'.

Disgyddiaeth

Gan The Pipettes

Blwyddyn	Albwm	Yn y Siart
		DU
2010	Earth vs. The Pipettes	–

Cyhoeddiadau albwm fel cantores unigol

Blwyddyn	Enw	Label	Ffurf	Iaith
2020	Mirores	Recordiau Neb	Lawrlwythiad digidol, crynoddisg, feinyl	Cymraeg, Cernyweg, Saesneg

Cyhoeddidau EP Unigol

Blwyddyn	Enw	Label	Ffurf	Iaith
2015	"Ffôl" / "Little Things"	Recordiau Neb	Lawrlwythiad digidol	Cymraeg, Saesneg
2016	Y Ddawns	Recordiau Neb	Lawrlwythiad digidol	Cymraeg
2017	Ffrwydrad Tawel	Recordiau Neb	Lawrlwythiad digidol	Cymraeg
2018	Peirianwaith Perffaith	Recordiau Neb	Lawrlwythiad digidol	Cymraeg
2020	Ynys Araul	Recordiau Neb	Lawrlwythiad digidol	Cymraeg