Anthony Cardon
Ysgythrwr o Fflandrys oedd Anthony Cardon (1 Mai 1772 – 16 Ebrill 1813) a wnaeth ei yrfa yn Lloegr a oedd yn nodedig fel darluniwr llyfrau. Cafodd ei eni ym Mrwsel yn 1772 a bu farw yn Llundain.[1][2]
| Anthony Cardon | |
|---|---|
| Ganwyd | 1 Mai 1772  Dinas Brwsel |
| Bu farw | 16 Ebrill 1813 Llundain |
| Dinasyddiaeth |  Lloegr |
| Galwedigaeth | gwneuthurwr printiau, cyhoeddwr |
| Tad | Antoine Cardon |
Bywgraffiad
golyguGanwyd Anthony Cardon ym Mrwsel tua 1772. Roedd yn fab a disgybl i'r peintiwr Fflemig, Antoine Alexandre Joseph Cardon (1765–1822). Derbyniodd wobrau yn yr Academi ym Mrwsel. Yn ystod y trafferthion yn yr Iseldiroedd cyn Ymgyrch Fflandrys 1793, aeth Cardon yn ŵr ifanc 17 oed, i Loegr, gyda llythyr o gyflwyniad i Paul Colnaghi, a roddodd gyflogaeth iddo. Derbyniodd ei addysg gelf gynnar yn Ysgolion yr Academi Frenhinol a bu'n astudio am dair blynedd o dan ei gyfaill Luigi Schiavonetti.
Ei brif gyfrwng oedd ysgythriad dotwaith a daeth yn un o brif ddehonglwr yr arddull yn ystod ei oes. Fe'i cofir orau am yr ysgythriadau a ddefnyddiwyd i ddarlunio llyfrau. Ymhlith rhai o'r teitlau y bu Cardon yn ysgythru yn cynnwys: Essays After Cartoons Raphael Windsor gan Nicholas Joseph Ruyssen ac Anthony Cardon, a gyhoeddwyd ym 1798 ac argraffiad 1811 o'r Llyfr Gweddi Gyffredin, a gyhoeddwyd gan F. & C. Rivington yn Llundain. Gwnaeth Cardon hefyd ysgythru portreadau o George III a chyfoeswyr amlwg.
Bu'n aelod cynnar o'r Gymdeithas Chalcograffig ac yn aelod o Gymdeithas Annog y Celfyddydau a derbyniodd ei fedal aur am ei ysgythriad o Frwydr Alexandria ym 1807.
Bu farw Cardon ar 17 Chwefror 1813, yn London Street, Fitzroy Square. Cafodd ei fab, Philip Cardon, ei hyfforddi fel ysgythrwr a bu farw tua 1817. Mae enghreifftiau o waith Cardon i'w gweld yn yr Oriel Bortreadau Genedlaethol, Llundain, yr Amgueddfa Brydeinig, Amgueddfa Victoria ac Albert, Llyfrgell ac Amgueddfa Morgan ac yn y llyfrau a ddarluniodd, mae llawer ohonynt mewn casgliadau amgueddfa a llyfrgell.
Mae yna enghreifftiau o waith Anthony Cardon yng nghasgliad portreadau Llyfrgell Genedlaethol Cymru a hefyd yng nghasgliad Yr Oriel Bortreadau Genedlaethol yn Llundain.
Oriel
golyguDyma ddetholiad o weithiau gan Anthony Cardon:
.jpg)
.jpg)
.jpg)
Cyfeiriadau
golygu- (Saesneg) Yr Oriel Bortreadau Genedlaethol - Anthony Cardon
- (Saesneg) Oxford Dictionary of National Biography - Anthony Cardon
- ↑ Monkhouse, W. (3 Ionawr 2008). "Cardon, Anthony (1772–1813), engraver and print publisher". Oxford Dictionary of National Biography. Adalwyd 6 Chwefror 2019, o http://www.oxforddnb.com/view/10.1093/ref:odnb/9780198614128.001.0001/odnb-9780198614128-e-4614
- ↑ Alexander, D. (1 Ionawr 2003). "Cardon, Anthony". Grove Art Online. Adalwyd 6 Chwefror 2019, o http://www.oxfordartonline.com/groveart/view/10.1093/gao/9781884446054.001.0001/oao-9781884446054-e-7000014012