José Lezama Lima: Gwahaniaeth rhwng fersiynau

Wedi iddo adael y brifysgol, cydsefydlodd Lezama Lima dri chylchgrawn llenyddol byrhoedlog: ''Verbum'' (1937; tri rhifyn), ''Espuela de plata'' (1939–41; chwe rhifyn) gyda [[Guy Pérez Cisneros]] a [[Mariano Rodríguez]], a ''Nadie paracía'' (1942–44; deg rhifyn) gydag [[Ángel Gaztelu]]. Cafodd lwyddiant mawr gyda'r cyfnodolyn celfyddydau ''Orígenes'' (1944–56), a sefydlwyd gan Lezama Lima, y golygydd a beirniad [[José Rodríguez Feo]], ac eraill. Yn ''Orígenes'' cyhoeddwyd gwaith gan ffigurau ifainc a gawsant ddylanwad pwysig ar ddiwylliant Ciwba yng nghanol yr 20g, yn eu plith y llenorion [[Alejo Carpentier]], [[Virgilio Piñera]], [[Lydia Cabrera]], [[Eliseo Diego]], ac [[Eugenio Florit]], a'r arlunwyr [[Wifredo Lam]] ac [[Amerlia Peláez]]. Yn ogystal â hyrwyddo gwaith gwreiddiol gan feirdd, arlunwyr, a cherddorion Ciwbaidd, a chyfrannu at feirniadaeth ddiwylliannol yn y wlad drwy gyfrwng ei adran adolygiadau, bu ''Orígenes'' yn cysylltu diwylliant Ciwba â'r byd drwy gyhoeddi cerddi, straeon, ac ysgrifau gan lenorion o wledydd eraill, gan gynnwys [[Albert Camus]], [[Gabriela Mistral]], [[Juan Ramón Jiménez]], [[Octavio Paz]], a [[Paul Valéry]].<ref name=LAHC/><ref name=EB>{{dyf Britannica |url=https://www.britannica.com/biography/Jose-Lezama-Lima |teitl=José Lezama Lima |dyddiadcyrchiad=15 Medi 2019 }}</ref><ref name=LAHC/>