Avdotya Panaeva
Awdures o Rwsia oedd Avdotya Yakovlevna Panaeva (Rwsieg: Авдо́тья Я́ковлевна Пана́ева; 31 Gorffennaf 1820 - 30 Mawrth 1893) a oedd hefyd yn berchennog salon llenyddol. Y stori fer a'r nofel oedd ei hoff genre. Cyhoeddodd lawer o'i gwaith dan y ffugenw V. Stanitsky.[1]
| Avdotya Panaeva | |
|---|---|
 | |
| Ffugenw | N. Stanickij  |
| Ganwyd | 31 Gorffennaf 1820 (yn y Calendr Iwliaidd), 1819 St Petersburg |
| Bu farw | 30 Mawrth 1893 (yn y Calendr Iwliaidd) St Petersburg |
| Dinasyddiaeth |  Rwsia |
| Alma mater |
|
| Galwedigaeth | perchennog salon, llenor, golygydd |
| Tad | Yakov Bryanskiy |
| Mam | Q110387293 |
| Partner | Nikolay Nekrasov |
| Llinach | Q4343837 |
Fe'i ganed yn St Petersburg ac yno hefyd y bu farw; fe'i claddwyd ym mynwent 'Literatorskie mostki'. Wedi gadael yr ysgol mynychodd Academi Celfyddydau Theatr y Wladwriaeth, Saint Petersburg.[2][3][4][5]
Magwraeth a phriodi
golyguGanwyd Avdotya Bryanskaya i deulu artistig. Roedd ei thad Yakov Bryansky yn actor trasig yn yr ysgol glasurol o actio, tra canodd ei mam A. M. Stepanova opera ac ymddangosodd mewn dramâu. Astudiodd Avdotya yn Academi Celfyddydau Theatr St Petersburg ond ni sefydlodd yrfa yn y theatr erioed.[6]
Yn 1837 priododd yr awdur Ivan Panaev ac ymunodd â chylch agos ei ffrindiau llenyddol. Ond ni pharodd y briodas yn hir iawn, ac yn 1846 roedd yn byw gyda Nikolay Nekrasov a threuliodd y 15 mlynedd nesaf gydag ef.[7] [8]
Y llenor
golyguCydweithiodd â'r ddau awdur yma a chyhoeddodd lawer o nofelau a straeon ei hun. Cyhoeddodd hi a Nekrasov ddwy nofel gyda'i gilydd: Tair Rhan o'r Byd (1848–49) a'r Llyn Marw (1851). Mae ei ffuglen yn delio â phroblemau cymdeithasol yr oesoedd, ac yn enwedig â hawliau menywod, fel yn ei nofel Lle'r Ferch (1862).[9]
Yn 1845 darllenodd Fyodor Dostoyevsky ei nofel gyntaf Y Werin Dlawd i grŵp llenyddol a drefnwyd gan Panaeva ac Ivan Panaev. Daeth Dostoyevsky yn ymwelydd cyson â'r salon llenyddol pwysig a drefnwyd gan Panaeva. Ond rhoddodd Dostoyevsky y gorau i fynychu'r salon ar ôl ymladd ag Ivan Turgenev, cyd-ymwelydd. Roedd ymwelwyr eraill y salon yn cynnwys Leo Tolstoy, Ivan Goncharov, Alexander Herzen, Vissarion Belinsky a Nikolai Chernyshevsky.
Dywedir nad yw ei hunangofiant yn ffeithiol gywir, gan ei bod yn flodeuog yn ei disgrifiadau o'r bobl y sonia amdanynt. Ond mae o werth hanesyddol ar y gymdeithas o lenorion Rwsiaidd yn yr adeg honno, sef y 1840au a'r 1850au.
Cyfeiriadau
golygu- ↑ An Encyclopedia of Continental Women Writers, Volume 1, Taylor & Francis, 1991.
- ↑ Cyffredinol: https://www.wechanged.ugent.be/wechanged-database/.
- ↑ Rhyw: https://www.wechanged.ugent.be/wechanged-database/. Gemeinsame Normdatei. dyddiad cyrchiad: 18 Gorffennaf 2024.
- ↑ Dyddiad geni: https://www.wechanged.ugent.be/wechanged-database/. "Avdot'ia Iakovlevna Panáeva". "Avdot'â Âkovlevna Panaeva".
- ↑ Man geni: А. М. Прохорова, ed. (1969) (yn ru), Большая советская энциклопедия (3rd ed.), Moscfa: The Great Russian Encyclopedia, OCLC 14476314, Wikidata Q17378135
- ↑ Баландин, А.И. (1990). "Панаева А. Я.: Биобиблиографическая справка". Русские писатели. Биобиблиографический словарь. Том 2. М--Я. Под редакцией П. А. Николаева. М., "Просвещение". Cyrchwyd 2012-03-01.
- ↑ "А.Я.Панаева". www.biografija.ru. Cyrchwyd 2012-03-01.
- ↑ Galwedigaeth: https://www.wechanged.ugent.be/wechanged-database/.
- ↑ Handbook of Russian Literature, Victor Terras, Yale University Press 1990.