Baner Bolifia

Baner drilliw lorweddol gyda stribed uwch coch (i symboleiddio dewrder), stribed canol melyn (i gynrychioli cyfoeth fwynol y wlad), a stribed is gwyrdd (i symboleiddio ffrwythlondeb) yw baner Bolifia.

Baner Bolifia

Baner wladwriaethol (swyddogol) Bolifia

Ar ôl i Simón Bolívar sicrháu ymwahaniad Bolifia o Sbaen yn 1825, mabwysiadwyd baner drilliw lorweddol o stribedi coch ar y brig a'r gwaelod a gwyrdd yn y canol, gyda phum seren, o fewn plethdorchau llawryf, i gynrychioli pum adran wreiddiol y wlad. Newidiwyd y faner yn 1826 i faner drilliw lorweddol gyda stribed uwch melyn, stribed canol gwyrdd, a stribed is coch gyda'r arfbais genedlaethol yn y canol. Mabwysiadwyd y dyluniad cyfredol ar 30 Tachwedd, 1851 pan newidiwyd trefn y stribedi i goch-melyn-gwyrdd. Erbyn heddiw dim ond y faner swyddogol sydd â'r arfbais yn y canol.

Ffynonellau

• Complete Flags of the World, Dorling Kindersley (2002)