Bara Angylion Duw

Pennill o'r emyn Sacris Solemniis a ysgrifennwyd gan y Sant Thomas Aquinas (1225-1274) yw Bara Angylion Duw, neu Panis Angelicus yn y Lladin gwreiddiol. Er mai un pennill ydyw, y chweched o saith pennill yn y Sacris Solemniis, daeth yn arferiad canu'r pennill ar ei ben ei hun fel emyn ynddo'i hunan ar wahanol donau, ac mae'r pennill yn fwy adnabyddus fel darn i'w ganu bellach na'r emyn gwreiddiol y mae'n rhan ohono.

Cyfansoddwyd y darn yn wreiddiol ar gyfer Gŵyl Corff Crist a ddethlir yn yr Eglwys Babyddol

Ym 1872, gosododd y cyfansoddwr César Franck y geiriau ar gyfer llais (tenor), telyn, soddgrwth ac organ, a'i gynnwys yn ei Opws 12 Messe à trois voix. Mae'r emyn bellach yn adnabyddus ar y dôn honno gan Franck, naill ai yn Lladin, neu yn fwy cyffredin yng Nghymru, yn Gymraeg.

Geiriau

Geiriau Cymraeg	Y Lladin gwreiddiol
Bara Angylion Duw dry'n fara plant y llawr Nefolaidd fara rydd oleuni mwyna'r wawr: O wledd, o ryfedd ryw! Gwledd gyda'n Harglwydd mawr Tlodion, gweision a'r isel rai.	Panis angelicus fit panis hominum; Dat panis coelicus figuris terminum: O res mirabilis! Manducat Dominum Pauper, servus et humilis.