Siambr gladdu Neolithig yw Bedd yr Eryrod (Saesneg: Tomb of the Eagles), a leolir ar ynys South Ronaldsay yn Ynysoedd Erch oddi ar arfordir gogleddol tir mawr yr Alban. Fe'i gelwir yn "Fedd yr Eryrod" am fod esgyrn nifer o eryrod wedi'u claddu yno, yn ogystal ag esgyrn dynol.

Bedd yr Eryrod
Mathcarnedd gellog Edit this on Wikidata
Daearyddiaeth
SirYnysoedd Erch Edit this on Wikidata
GwladBaner Yr Alban Yr Alban
Cyfesurynnau58.74°N 2.92°W Edit this on Wikidata
Map

Darganfuwyd 16,000 o esgyrn dynol ar y safle, yn ogystal â 725 o esgyrn adar. Mae'r rhan fwyaf o'r esgyrn adar yn weddillion eryrod y môr cynffon-wen (Haliaeetus albicilla) ac yn cynrychioli rhwng 8 ac 20 o adar unigol. Tybwyd gan yr archaeolegwyr eu bod yn "waddoliad sefydlu" a gladdwyd yno pan adeiladwyd yr adeilad, ond mae dadansoddiad diwedddar yn dangos y bu farw'r eryr hyn yn y cyfnod o tua 2450 hyd 2050 CC, sef tua mil o flynyddoedd ar ôl adeiladu'r beddrod. Mae hyn yn tueddu i gadarnhau'r gred fod siambrau claddu Ynysoedd Erch yn cael eu defnyddio dros gyfnod o genedlaethau lawer.[1]

Cyfeiriadau golygu

  1. Pitts, M. 2006. 'Flight of the eagles'. British Archaeology 86: 6.