Bethel (Israel)
Roedd Bethel (Hebraeg: בית אל Beth El, "Tŷ Dduw") yn dref yn yr hen Israel, tua 10 milltir i'r gogledd o Jerusalem. Credir ei bod ar safle pentref Palesteinaidd presennol Beitun ar y Lan Orllewinol, ac mae gwladfa Israelaidd Beit El gerllaw yn cadw'r enw.
| Math | anheddiad dynol, lle yn y Beibl  |
|---|---|
| Daearyddiaeth | |
| Sir | Canaan, Kingdom of Israel |
| Gwlad |  Israel |
| Arwynebedd | 50 Dunam |
| Cyfesurynnau | 31.9228°N 35.2414°E |
 | |
- Gweler Bethel am enghreifftiau eraill o'r enw.
Yn y Beibl, syrthiodd Jacob i gysgu a'i ben ar garreg yma, ac yn ei freddwyd gwelodd ysgol yn arwain i'r nefoedd ac angylion yn symud i fyny ac i lawr arni. Yn ddiweddarach mae Jacob yn adeiladu allor yma.
Yn llawer diweddarach dyma lle gosodwyd y Llo Aur gan y brenin Jeroboam, gydag un arall yn Dan. Credir bod yr enw Beth-El yn dod o gyfnod cynharach, gan fod El yn wreiddiol yn dduw Cananeaidd.
Mae Bethel yn enw poblogaidd ar drefi a phentrefi ledled y byd, yn enwedig yn yr Unol Daleithiau. Ceir o leiaf ddau bentref a'r enw yma yng Nghymru, Bethel ar Ynys Môn a Bethel yng Ngwynedd. Mae hefyd yn enw poblogaidd iawn ar gapeli yng Nghymru.
