Bleddyn Owen Huws

Ysgolhaig a hanesydd llenyddiaeth Gymraeg yw Bleddyn Owen Huws. Mae'n Uwch-ddarlithydd yn Adran y Gymraeg ym Mhrifysgol Aberystwyth. Fe'i etholwyd yn Gymrawd o Gymdeithas Ddysgedig Cymru ar 23 Mai 2018.

Bleddyn Owen Huws
Ganwyd	Dyffryn Nantlle
Dinasyddiaeth	Cymru
Galwedigaeth	darlithydd, person dysgedig, llenor
Cyflogwr	Prifysgol Aberystwyth
Adnabyddus am	Detholiad o Gywyddau Gofyn a Diolch, Martha, Jac a Sianco, Hanes Cyhoeddi Cerddi Eryri (1927) Carneddog
Tad	O. P. Huws
Gwobr/au	Cymrawd Cymdeithas Ddysgedig Cymru

Ar y cyd ag A. Cynfael Lake yn 1995, sefydlodd y cylchgrawn Dwned, sef cylchgrawn hanes a llenyddiaeth Cymru yn yr Oesoedd Canol, ac mae'r ddau yn parhau'n gyd-olygyddion arno. Mae'n ddarlithydd sy'n cyfrannu'n rheolaidd i gymdeithasau diwylliannol a llenyddol ledled Cymru. Ei brif faes ymchwil yw cyfnod y Cywyddwyr a'r Dadeni. Cyhoeddodd yn helaeth hefyd ar rai o lenorion Eryri yn yr 20g, megis y llyfryn Hanes Cyhoeddi Cerddi Eryri (1927), Carneddog a gyhoeddwyd 30 Tachwedd, 1999 gan Gyhoeddiadau Barddas, ac am y gyfrol Detholiad o Gywyddau Gofyn a Diolch a gyhoeddwyd eto gan Gyhoeddiadau Barddas yn 1988.

Mae'n fab i O. P. Huws, un o sefydlwyr Cwmni Recordiau Sain ac yn enedigol o Ddyffryn Nantlle, Gwynedd.

Llyfryddiaeth

• Delfryd Dysg Cymeriad: Canmlwyddiant Ysgol Dyffryn Nantlle, 1898-1998 (Cyngor Gwynedd, 1998)
• Y Canu Gofyn a Diolch: Y Canu Gofyn a Diolch c.1350-c.1630 (Gwasg Prifysgol Cymru, 1998)
• Detholiad o Gywyddau Gofyn a Diolch (Cyhoeddiadau Barddas, 1998)
• Hanes Cyhoeddi "Cerddi Eryri" (1927) Carneddog (Cyhoeddiadau Barddas, 1999)
• '...henffurf y mynyddoedd hyn': Eryri yn ein Llenyddiaeth (Eisteddfod Genedlaethol Cymru, 2005)
• Martha Jac a Sianco - Cymraeg Safon Uwch, Help Llaw (Atebol, 2009)
• Diflanedig Fyd: Gohebiaeth Carneddog a Gwallter Llyfni, 1926-1932 (Cyhoeddiadau Barddas, 2010)
• Nodiadau ar "Un Nos Ola Leuad" (Canolfan Astudiaethau Addysg, 2012)
• Rhai o Feirdd Gwlad Eryri (Parc Cenedlaethol Eryri, 2014)
• Genres y Cywydd (Y Lolfa, 2016)
• Pris Cydwybod: T. H. Parry-Williams a Chysgod y Rhyfel Mawr (Y Lolfa, 2018)

Cyfeiriadau

Eginyn erthygl sydd uchod am lenor neu awdur o Gymru. Gallwch helpu Wicipedia drwy ychwanegu ato.