O. P. Huws
Dyn busnes a chynghorydd sîr o Gymru yw Owen Pennant Huws (ganwyd 25 Mawrth 1943)[1] neu O. P. Huws fel y'i adnabyddir.
| O. P. Huws | |
|---|---|
| Ganwyd | Owen Pennant Hughes  Mawrth 1943 |
| Dinasyddiaeth |  Cymru |
| Galwedigaeth | person busnes, cynghorydd |
| Cyflogwr | |
| Plant | Bleddyn Owen Huws |
Bywgraffiad
golyguYn enedigol o Ddyffryn Ceiriog daeth O.P. i fyw i Ddyffryn Nantlle yn ŵr ifanc. Dechreuodd ymgyrchu dros Blaid Cymru ar ôl cael ei ysbrydoli gan un o gynghorwyr y Dyffryn, Wmffra Roberts.
Un o'i fusnesau cyntaf oedd magu cyw ieir a thyrcwns yn eu miloedd ar ei fferm yn Nebo, Gwynedd. Sefydlodd adran fideos Cwmni Recordiau Sain yn y 1990au. Roedd yn un o sefydlwyr Antur Nanlle yn 1992 ac ymddeolodd o'r bwrdd yn 2016. Roedd yn un o gyfarwyddwyr Bragdy Lleu ym Mhenygroes rhwng 2013 a 2017.[1]
Roedd yn gynghorydd Plaid Cymru dros Llanllyfni a Nantlle ar Gyngor Sir Gwynedd hyd at 2012.[2] Yn Hydref 2023, derbyniodd Wobr Cyfraniad Arbennig yng Nghynhadledd Plaid Cymru yn Aberystwyth. Cyflwynwyd y wobr gan ei gyfaill Alun Ffred, ac fe'i derbyniwyd gan ei fab, Bleddyn Owen Huws.[3]
Cyfeiriadau
golygu- ↑ 1.0 1.1 Ty'r Cwmniau - Owen Pennant HUWS. Ty'r Cwmniau. Adalwyd ar 16 Ionawr 2019.
- ↑ Nasareth i Bethlehem. BBC Cymru (18 Rhagfyr 2008). Adalwyd ar 15 Ionawr 2019.
- ↑ October 20 2023, Postiwyd ar; Yh, 4:07. "Gwobr i O.P!". Plaid Cymru Arfon. Archifwyd o'r gwreiddiol ar 2024-05-27. Cyrchwyd 2024-05-27.CS1 maint: numeric names: authors list (link)