Brechlyn trifflyg MMR
Cymysgedd o dri feirws gwahanol wedi ei roi mewn chwistrell meddygol ydy'r brechlyn trifflyg MMR (Saesneg: MMR vaccine) ac a roddir i fabanod tuag un oed rhag iddynt gael eu heintio gan frech goch, clwy'r pennau a Rwbela (y Frech Almaenig). Rhoddir ail ran y brechlyn i'r plentyn pan fo'n 4 i 5 oed. Nid "booster" ydy'r ail frechlyn yma ond yr un peth a'r cyntaf er mwyn creu imiwnedd yn y 2-5% o blant lle nad yw'r brechlyn cyntaf wedi gweithio.
 | |
| Enghraifft o'r canlynol | math o frechlyn  |
|---|---|
| Math | brechlyn wedi'i wanhau, brechlyn cymysg |
| Crëwr | Merck & Co., GlaxoSmithKline Biologicals Dresden, Serum Institute of India |
| Dechrau/Sefydlu | 1971 |
 Ffeiliau perthnasol ar Gomin Wicimedia | |
Yn yr Unol Daleithiau dechreuwyd brechu yn 1971 gyda'r ail ddos yn dechrau cael ei roi yn 1982.[1]
Cwmni o'r enw Merck & Co sy'n ei greu ynghyd â GlaxoSmithKline Biologicals, Serum Institute of India a sanofi pasteur. Credir fod tua 500 miliwn dos ohono wedi ei roi i blant mewn 60 gwlad ledled y byd.
Cyfeiriadau
golygu- ↑ Lancet. doi:10.1016/S0140-6736(04)15897-2. PMID 15064032.