Byrmaneg

Iaith Dibeto-Bwrmaidd, cangen o'r teulu Sino-Tibetaidd, yw Byrmaneg sydd yn iaith swyddogol ym Myanmar. Hon yw iaith frodorol y Bamar ac ambell grŵp ethnig arall, er enghraifft y Mon. Fe'i siaredir gan drwch y boblogaeth ym Myanmar ac yn ail iaith gan y mwyafrif o siaradwyr ieithoedd eraill y wlad. Ysgrifennir mewn gwyddor sydd yn seiliedig ar yr iaith Bali.

Byrmaneg

Enghraifft o'r canlynol	iaith naturiol, iaith fyw
Math	Ieithoedd Sino-Tibetaidd
Enw brodorol	မြန်မာဘာသာစကား
Nifer y siaradwyr	32,900,000 (2019),   32,035,300 (2000),   10,000,000 (2000)
cod ISO 639-1	my
cod ISO 639-2	mya, bur
cod ISO 639-3	mya
Gwladwriaeth	Myanmar
System ysgrifennu	Burmese alphabet, Mon–Burmese script
Corff rheoleiddio	Myanmar Language Commission
Ffeiliau perthnasol ar Gomin Wicimedia

Rhyw 30 miliwn o bobl Myanmar sydd yn rhugl yn y Fyrmaneg, ac maent yn cyfri am tua hanner o holl siaradwyr yr ieithoedd Tibeto-Bwrmaidd. Perthyna Byrmaneg yn agos i'r ieithoedd Lolo yn y gangen hon.

Ymddangosodd y ffurf hynaf ar yr iaith, Hen Fyrmaneg, yn Nheyrnas Pagan, yn y 12g. Datblygodd yn Fyrmaneg Canol yn yr 16g, a drawsnewidiwyd yn Fyrmaneg Modern yn y 18g. Mae'r iaith safonol fodern yn hynod o wahanol i Hen Fyrmaneg o'i chymharu â thafodieithoedd megis Aracaneg.