Calon Lân
Emyn Cymraeg a ysgrifennwyd yn y 19g gyda geiriau gan Daniel James (Gwyrosydd) a thôn gan John Hughes yw Calon Lân.
| Enghraifft o'r canlynol | emyn  |
|---|
Geiriau
golyguNid wy'n gofyn bywyd moethus,
Aur y byd na'i berlau mân:
Gofyn wyf am galon hapus,
Calon onest, calon lân.
Calon lân yn llawn daioni,
Tecach yw na'r lili dlos:
Dim ond calon lân all ganu
Canu'r dydd a chanu'r nos.
Pe dymunwn olud bydol,
Chwim adenydd iddo sydd;
Golud calon lân, rinweddol,
Yn dwyn bythol elw fydd.
Hwyr a bore fy nymuniad
Gwyd i'r nef ar adain cân
Ar i Dduw, er mwyn fy Ngheidwad,
Roddi i mi galon lân.
Dolenni allanol
golygu- Y gerddoriaeth cy.cantorion.org
| Mae gan Wicidestun destun sy'n berthnasol i'r erthygl hon: |
