Camp Coffee
Surop coffi parod[1] â blas coffi a sicori yw Camp Coffee, a gynhyrchir yn yr Alban ers 1885. Fe'i gwneir yn wreiddiol ar gyfer milwyr Ucheldirwyr Gordon oedd ar ymgyrch yn India. Daw'r enw Camp o dalfyriad y gair Saesneg campaign, sef ymgyrch [filwrol]. Heddiw, y cwmni bwyd McCormick sy'n cynhyrchu Camp.
.jpg) | |
| Enghraifft o'r canlynol | drink brand  |
|---|---|
| Math | surop, diod coffi |
| Gwlad | Yr Alban |
| Dechrau/Sefydlu | 1876 |
 Ffeiliau perthnasol ar Gomin Wicimedia | |
Mae'n cynnwys siwgr, dŵr, rhinflas coffi a rhinflas sicori. Gan amlaf, fe'i cymysgir â llaeth i wneud diod boeth neu oer, neu ei roi mewn bwydydd melys megis teisenni, eisin, a losin.
Roedd hen label Camp yn portreadu milwr Albanaidd mewn cilt yn eistedd ac yn yfed Camp, tra yr oedd gwas Sicaidd yn gweini arno ac yn dal hambwrdd o ddiodydd. Cafodd yr hambwrdd ei dynnu o'r llun i geisio moderneiddio'r label, ond parhaodd cyhuddiadau o hiliaeth ac bod y label yn rhamanteiddio dyddiau'r Raj. Ar droad yr unfed ganrif ar hugain, bu rhai perchenogion siopau o dras Asiaidd ym Mhrydain yn gwrthod gwerthu Camp.[2] Yn 2006 newidiodd y label eto, ac bellach mae'r Sîc yn eistedd ac yn yfed hefyd.[3]
Cyfeiriadau
golygu- ↑ (Saesneg) Coffee essence recipes. BBC. Adalwyd ar 24 Awst 2012.
- ↑ (Saesneg) Coffee logo stirs racism row. BBC (1 Awst 1999). Adalwyd ar 24 Awst 2012.
- ↑ (Saesneg) Camp coffee forced to change label by the PC brigade. Daily Mail (11 Medi 2006). Adalwyd ar 24 Awst 2012.
Dolen allanol
golygu- (Saesneg) Gwefan edmygol