Cloddio data
Cloddio data yw'r broses o ganfod patrymau mewn setiau enfawr o ddata, gan ddefnyddio dysgu peirianyddol, ystadegau a systemau cronfeydd data.[1] Mae'n is-faes rhyngddisgyblaethol o fewn gwyddoniaeth gyfrifiadurol ac ystadegaeth. Y nod cyffredinol yw echdynnu gwybodaeth, drwy ddefnyddio dulliau deallus, o setiau data, gan drawsffurfio'r wybodaeth yn strwythur hawdd ei ddeall, er mwyn ei defnyddio'n ddiweddarach.[1][2]
Y cam o ddadansoddi yw 'cloddio data' yn y broses o "ganfod gwybodaeth mewn cronfeydd data", sef KDD (the "knowledge discovery in databases").[3] Ar wahân i'r cam o ddadansoddi crai (raw analysis), mae cloddio data hefyd yn cynnwys cronfeydd data ac agweddau o reoli data, rhag-brosesu data, modelu a chasgliadol, ôl-brosesu, darlunio'r canlyniadau e.e. drwy graff a diweddaru arlein.[1]
Y gwahaniaeth rhwng dadansoddi data a chloddio data yw fod dadansoddi data'n crynhoi'r hanes e.e. dadansoddi effeithiolrwydd ymgyrch farchnata; mewn cyferbyniad, mae cloddio data yn canolbwyntio ar ddefnyddio dysgu peirianyddol a modelu ystadegol i ragfynegi'r dyfodol a chanfod patrymau o fewn y data.[4]
Cyfeiriadau
golygu- ↑ 1.0 1.1 1.2 "Data Mining Curriculum". Association for Computing Machinery SIGKDD. 2006-04-30. Cyrchwyd 2014-01-27.
- ↑ Clifton, Christopher (2010). "Encyclopædia Britannica: Definition of Data Mining". Cyrchwyd 2010-12-09.
- ↑ Fayyad, Usama (15 Mehefin 1999). "First Editorial by Editor-in-Chief". SIGKDD Explorations 13 (1): 102. doi:10.1145/2207243.2207269. http://www.kdd.org/explorations/view/june-1999-volume-1-issue-1. Adalwyd 27 Rhagfyr 2010.
- ↑ Olson, D. L. (2007). Data mining in business services. Service Business, 1(3), 181-193. doi:10.1007/s11628-006-0014-7