Coleg Sir Benfro

Mae Coleg Sir Benfro ac ar lafar, Coleg Penfro (Saesneg: Pembrokeshire College) yn darparu addysg alwedigaethol amser llawn a rhaglenni Safon Uwch ar gyfer myfyrwyr 14-19 oed ac amrywiaeth o gyrsiau rhan-amser ar gyfer dysgwyr sy'n oedolion a chyflogwyr. Cyfanswm y myfyrwyr cofrestredig mewn addysg amser llawn a rhan-amser yw tua 14,500. Mae'r Coleg hefyd yn cynnig NVQs a rhaglenni achrededig eraill, yn ogystal â Chymhwyster Bagloriaeth Cymru. Mae rhai cyrsiau yn cael eu hariannu gan Lywodraeth Cymru. Mae'n aelod o rwydwaith y sector, ColegauCymru.

Coeg Sir Benfro

Math	ysgol
Daearyddiaeth
Sir	Hwlffordd
Gwlad	Cymru
Cyfesurynnau	51.7924°N 4.9814°W
Cod post	SA61 1SZ

Adeilad

Lleolir y Coleg ym Merlin's Bridge, Hwlffordd sef, prif dref Sir Benfro. Pennaeth y Coleg yw Dr Barry Walters. Arferai'r coleg fod tu ôl i lyfrell y dref a Dew St a Barn St ond mae'r safle bellach yn ganolfan gymunedol a chlwb ieuenctid.

Mae ffreutur y Coleg, a adwaenir fel 'the refectory', wedi'i ryddfreinio i Chartwell's.

Ceir sectorau arbennig i'r campws sef: Atriwm, Gweithdai, Ystafelloedd Celf, Bwyty, Salonau a Meithrinfa 'Bright Start'.

Cyrsiau

Mynedfa Coleg Sir Benfro, Hwlffordd (2008)

Ceir amrywiaeth eang o gyrsiau: ar-lein, Datblygu Staff, Dysgwyr sy'n Oedolion, Lefel Uwch, Prentisiaethau, ac Ymadawr yr Ysgol.

Ymysg y meysydd a'r pynciau mae:

Academi Sgiliau Bywyd Addysgu ac Addysg Adeiladu a Chrefftau Anifeiliaid Cefn Gwlad a'r Amgylchedd Busnes CDP Celfyddydau Chwaraeon, Ffitrwydd a Gwasanaethau Clybiau Iau Cyfrifiadura Cymunedol

Dyniaethau ac Ieithoedd Ffioedd Gwyddoniaeth a Mathemateg Iechyd a Diogelwch Iechyd a Gofal Plant Lefel-A Lletygarwch a Thwristiaeth Peirianneg TGAU Trin Gwalt a Harddwch Ynni

Chwaraeon

Yr hen Goleg yn Hwlffordd, a leolwyd tu ôl y llyfrgell yn Dew St a Barn St. Mae bellach yn ganolfan gymunedol a chlwb ieuenctid (2008)

Mae'r Coleg yn cynnwys Academi Chwaraeon sy'n darparu hyfforddiant mewn pêl-droed, rygbi a phêl-rwyd.

Y Gymraeg yn y Coleg

Er mai Saesneg yw prif iaith weinyddol a dysgu'r Coleg, ceir peth dysgu yn y Gymraeg. Gellir sefyll arholiadau TGAU Cymraeg iaith Gyntaf, a Mathemateg, Lefel A Cymraeg Ail Iaith, Bagloriaeth Gymru a chefnogaeth arall. Ceir elfennau Cymraeg mewn cyrsiau fel Gofal Iechyd a Phrentisiaethau megis Gosodiadau Trydanol sydd wedi ei ddatblygu a hyrwyddo ar y cyd gyda'r Coleg Cymraeg Cenedlaethol.