Cysgliad
Pecyn o feddalwedd adnoddau iaith Cymraeg yw Cysgliad. Cafodd ei gynhyrchu gan Uned Technoleg Iaith Canolfan Bedwyr Prifysgol Bangor.
| Math o gyfrwng | software package  |
|---|
Mae'r pecyn yn cynnwys dwy brif raglen, sef Cysill a Chysgeir. Lansiwyd Cysgliad yn 2004 ar gyfer y PC ac mae'n cynnwys Bar Offer ar gyfer Microsoft Word a Star/OpenOffice.[1] Cyhoeddwyd fersiwn am ddim o Gysgliad ar gyfer yr Apple Mac, wedi’i noddi gan Fwrdd yr Iaith Gymraeg yn 2008. Yn 2009, lansiwyd Cysill ar-lein.
Cysill
golyguRhaglen sy'n canfod ac yn cywiro camgymeriadau ieithyddol mewn dogfennau Cymraeg yw Cysill. Mae’n gallu adnabod camgymeriadau teipio, sillafu a gramadeg, gan gynnwys camdreiglo. Yn ogystal ag awgrymu cywiriadau lle bo'u hangen, yn achos camgymeriadau gramadegol mae'n egluro natur y gwall er mwyn eich helpu i osgoi'r gwall hwnnw yn y dyfodol. Lansiwd Cysill fel rhaglen gyfrifiadurol ar ben ei hun yn 1992.[2]
Cysgeir
golyguCasgliad o eiriaduron yw Cysgeir. Mae'n cynnwys y geiriadur cyffredinol Cysgair a nifer o eiriaduron termau safonedig sydd wedi cael eu cyhoeddi gan Ganolfan Bedwyr dros y blynyddoedd.
Cyfeiriadau
golygu- ↑ Lansio Cysill Ar Lein - Sioe sleidiau gan Uned Dechnoleg Iaith Canolfan Bedwyr
- ↑ Dyma 1992 - Tudalen 1992 y rhaglen radio Cofio ar wefan BBC Cymru