Cysylltiadau rhyngwladol Ewrop
Mae gan y mwyafrif o wledydd Ewrop sofraniaeth o ran eu polisi tramor, ond mae 27 aelod-wladwriaeth yr Undeb Ewropeaidd (UE) hefyd yn rhannu rhywfaint o bolisi tramor cyffredin, yn enwedig ym materion masnach ac ynni.
Yn hanesyddol, chwaraeodd Ewrop rhan fawr yn hanes cysylltiadau rhyngwladol ac yn natblygiad y system ryngwladol. Adeiladodd gwledydd Ewropeaidd ymerodraethau yn ystod oes imperialaeth, a gafodd eu diddymu yn ystod yr 20g. Bellach mae'r UE yn uno 27 o wladwriaethau'r cyfandir mewn sefydliad uwchgenedlaethol a rhynglywodraethol, sydd yn cysylltu polisïau tramor llywodraethau Ewrop tuag at ei gilydd ac tuag at wledydd eraill o gwmpas y byd. Ystyrir rhai gwledydd, megis Ffrainc, y Deyrnas Unedig, a'r Almaen, yn bwerau mawrion neu'n bwerau canolig ar y lwyfan ryngwladol, ac yn ôl rhai gall yr UE ennill statws uwchbwer yn ystod y ganrif nesaf. Mae nifer o wledydd Ewrop hefyd yn aelodau'r cynghrair milwrol NATO.
