Agor y brif ddewislen

David Emrys Evans

addysgydd a chyfieithydd
(Ailgyfeiriad oddi wrth D. Emrys Evans)

Ysgolhaig Clasurol a chyfieithydd oedd David Emrys Evans (29 Mawrth 189120 Chwefror 1966), sy'n adnabyddus yn bennaf am ei gyfieithiadau safonol o weithiau Platon o'r Roeg i'r Gymraeg. Cyhoeddai wrth yr enw D. Emrys Evans.

David Emrys Evans
Ganwyd 29 Mawrth 1891 Edit this on Wikidata
Bu farw 20 Chwefror 1965 Edit this on Wikidata (73 oed)
Dinasyddiaeth Baner Cymru Cymru
Alma mater
Galwedigaeth addysgwr, cyfieithydd, sgolor clasurol Edit this on Wikidata
Cyflogwr

Roedd yn frodor o Glydach yn Sir Abertawe (Morgannwg). Ar ôl cael ei addysg brifysgol yng Ngholeg Prifysgol Gogledd Cymru a Choleg Iesu, Rhydychen, cafodd ei benodi'n Athro'r Clasuron yng Ngholeg Prifysgol Abertawe ym 1921. Ym 1927 cafodd ei benodi yn Brifathro Coleg Prifysgol Gogledd Cymru, Bangor ac yno y treuliodd weddill ei yrfa academaidd hyd ei ymddeoliad ym 1958.[1]

Ysgrifennodd hanes Prifysgol Cymru a llyfr ar grefydd a chymdeithas, ond ei brif waith yw'r gyfres o gyfieithiadau o weithiau'r athronydd Groegaidd Platon, yn cynnwys y deialogau Socrataidd ac Y Wladwriaeth. Nodweddir y cyfeithiadau hyn gan eu harddull clasurol, urddasol a choeth.[1]

LlyfryddiaethGolygu

Gweithiau gwreiddiol
  • Crefydd a Chymdeithas (1933)
  • Y Clasuron yng Nghymru (1952). Darlith.
  • The University of Wales, a Historical Sketch (Gwasg Prifysgol Cymru, 1953)
Cyfieithiadau o weithiau Platon
  • Amddiffyniad Socrates (Gwasg Prifysgol Cymru, 1936)
  • Phaedon (Gwasg Prifysgol Cymru, 1938)
  • Ewthaffron: Criton (Gwasg Prifysgol Cymru, 1943)
  • Gorgias (1946)
  • Y Wladwriaeth (Gwasg Prifysgol Cymru, 1956)

CyfeiriadauGolygu

  1. 1.0 1.1 Cydymaith i Lenyddiaeth Cymru