Daniel Lewis Lloyd

Ysgolfeistr ac Esgob Bangor o 1890 hyd 1899 oedd Daniel Lewis Lloyd (23 Tachwedd 1843 – 4 Awst 1899). Roedd yn nodedig fel y Cymro Cymraeg cyntaf i ddod yn Esgob Bangor ers dwy ganrif.

Daniel Lewis Lloyd
Ganwyd	23 Tachwedd 1843
Bu farw	4 Awst 1899
Dinasyddiaeth	Cymru
Alma mater	Coleg yr Iesu, Rhydychen
Galwedigaeth	offeiriad

Bywgraffiad

Ganed ef yn Llanarth, Ceredigion. Addysgwyd ef yn Ysgol Ramadeg Llanbedr Pont Steffan, ac enillodd ysgoloriaeth i Goleg yr Iesu, Rhydychen yn 1864. Graddiodd yn 1867, ac yn M.A. yn 1871. Ordeiniwyd ef yn offeiriad yn 1869. O 1867 hyd 1872 bu’n gurad Dolgellau ac yn brifathro ysgol ramadeg Dolgellau. Yn 1873, daeth yn brifathro Ysgol Friars, Bangor, yna yn 1878 yn brifathro Coleg Crist, Aberhonddu.

Daeth yn Esgob Bangor yn 1890, ond gwaethygodd ei iechyd yn fuan, a bu raid iddo roi'r gorau i’r swydd yn 1899. Bu farw yn Llanarth yn fuan wedyn.