Wicipedia

Danilo Di Luca

Seiclwr proffesiynol o'r Eidal yw Danilo Di Luca (ganwyd 2 Ionawr 1976). Mae wedi cael ei wahardd rhag cystadlu am gyfnod wedi iddo roi prawf cyffuriau positif yn ystod Giro d'Italia 2009.[1] Enillodd Di Luca UCI ProTour 2005, Giro d'Italia 2007 a'r Giro di Lombardia yn 2001 a'r Liège-Bastogne-Liège yn 2007.

Danilo Di Luca
Ganwyd2 Ionawr 1976 Edit this on Wikidata
Spoltore Edit this on Wikidata
Dinasyddiaethyr Eidal Edit this on Wikidata
Galwedigaethseiclwr cystadleuol Edit this on Wikidata
Taldra174 centimetr Edit this on Wikidata
Pwysau61 cilogram Edit this on Wikidata
Gwefanhttp://www.danilodilucaweb.it Edit this on Wikidata
Chwaraeon
Tîm/auKatusha, Acqua & Sapone, Wilier Triestina-Selle Italia, LPR, Cannondale Pro Cycling Team, Saeco, Aurum Hotels, Riso Scotti Edit this on Wikidata
Saflepuncheur, dringwr Edit this on Wikidata
Gwlad chwaraeonyr Eidal Edit this on Wikidata

Blynyddoedd cynnar

golygu

Ganwyd Di Luca yn Spoltore, talaith Pescara, dechreuodd ei yrfa proffesiynol yn 1998 ar dîm Riso Scotti. Dangosodd dalent pan enillodd fersiwn o'r Giro d'Italia ar gyfer reidwyr o dan 23. Enillodd ei ras cyntaf proffesiynol ym 1999, gyda tîm Cantina Tollo-Alexia Alluminio, pan enillodd cymal cyntaf y Giro d'Abruzzo. Arhosodd gyda'r tîm, gan gael fwy o lwyddiant yn 2001 megis ennill pedwerydd cymal y Giro d'Italia a'r Giro di Lombardia. Wedi hynny symudodd i dîm Saeco-Longoni Sport.

Yn ystod ei gyfnod gyda Saeco-Longoni bu'n arwain y Vuelta al País Vasco tan y cymal olaf, sef cymal treial amser mynyddig a enillwyd gan Andreas Klöden i gipio'r fuddugoliaeth. Dirywiodd ei berfformiadau fel canlyniad o anafiadau a diffyg hyder ynddo gan gyfarwyddwyr ei dîm. Cafodd Di Luca ei ymchwilio ynglŷn â defnydd cyffuriau gan swyddogion Eidalaidd. Adroddodd gwefan cyclingnews.com fod Di Luca wedi cael ei recordio mewn sawl sgwrs ar y ffôn gyda Eddy Mazzoleni lle honnir iddo drafod cynnyrch cyffuriau. O ganlyniad, ni wnaeth Di Luca gymryd rhan yn Tour de France 2004.[2][3]

2005

golygu

Yn 2005, symudodd Di Luca i dîm Liquigas-Bianchi, gyda Mario Cipollini, Dario Cioni, Stefano Garzelli a Magnus Bäckstedt. Ef oedd arweinydd y tîm yng nghlasuron y gwanwyn. Enillodd gymal cyntaf ras UCI ProTour y Vuelta al País Vasco, cyn mynd ymlaen i ennill y ras yn gyffredinol gan guro Aitor Osa yn y treial amser olaf. Cipiodd yr Amstel Gold Race a La Flèche Wallonne, gan ddod i wisgo crys gwyn yr arweinydd yn y gyfres ProTour.

Roedd Di Luca yn cael ei ystyried fel reidiwr a oedd yn gweddu orau â rasys a oedd ond yn parau cwpl o ddyddiau, felly daeth ei lwyddiant yn Giro d'Italia 2005 yn gryn syndod. Enillodd ddau gymal a gorffennodd yn bedwerydd yn nosbarthiad cyffredinol y ras tair wythnos. Daeth yn bumed yn y Tour de Pologne, a pedwerydd yn y Züri-Metzgete, felly daeth yn bencampwr UCI ProTour 2005.

2006

golygu

Gorfodwyd Di Luca i ymddeol o Tour de France 2006, oherwydd haint troethol. Gwellhaodd mewn pryd i gystadlu yn Vuelta a España 2006, gan ennill y pumed cymal ac arwain y ras am gyfnod. Roedd perfformiadau Di Luca yn rasys eraill 2006 megis y clasuron a'r Giro yn siomedig i gymharu a'i ganlyniadau yn 2005.

2007

golygu

Enillodd Di Luca y Milano-Torino ym mis Mawrth 2007, a'r Liège-Bastogne-Liège ym mis Ebrill. Cipiodd gymalau 4 a 12 ar y ffordd i'r fudugoliaeth yn Giro d'Italia 2007. Wedi'r Giro, daeth i'r amlwg fod gan Di Luca lefelau isel o hormon nad oedd wedi ei enwi. Roedd yr awdurdodau Eidalaidd yn ceisio penderfynu os oedd hyn yn ganlyniad o rasio ar lefel uchel am dair wythnos yntau'n fath o gyfrwng er mwyn cuddio defnydd cyffuriau.[4] Ar 28 Medi, tynnodd Di Luca allan o Bencampwriaethau Ras Ffordd y Byd yr UCI, gan ddisgrifio y ffordd yr oedd wedi cael ei drin yn warthus wedi'r cyhuddiadau o amhureddu.[5]

Roedd Di Luca yn arwain cyfres yr UCI ProTour yn 2007 pan gafodd ei wahardd cyn y ras terfynol, y Giro di Lombardia, oherwydd ei ymglymiad honedig gyda'r achos Oil for Drugs, cafodd ei wahardd am dri mis dros y gaeaf yn dilyn hyn.[6]

2008–2009

golygu

Cafodd Di Luca flwyddyn tawel yn 2008, wedi iddo ymuno â'i dîm newydd, LPR Brakes-Ballan, gan na chawsant eu gwahodd i nifer o rasys. Derbyniodd y tîm safle ar hap yn Giro d'Italia 2009, ac enillodd Di Luca y pedwerydd cymal.[7] Daeth yn ail yn y bumed cymal gan gipio'r maglia rosa am gyfnod, ymestynnodd ei fantais dros weddill y maes pan enillodd y degfed cymal. Collodd amser yn y ddau gymal treial amser gan orffen yn ail yn y dosbarthiad cyffredinol a chipio'r maglia cilamino.

Ar 22 Gorffennaf 2009, datganwyd fod Di Luca wedi cael ei brofi'n bositif ar gyfer CERA ar 20 a 28 Mai 2009, yn ystod y Giro d'Italia. Cafodd ei wahardd dros dro gan yr UCI yn syth.[1][8] Roedd wedi cael ei dargedu ar gyfer profion gan ddefnyddio gwybodaeth proffil ei waed o'i basbort biolegol, canlyniadau arbrofion cynt a'i raglen rasio.[9]

Canlyniadau

golygu
1999
1af 1 Cymal Giro d’Abruzzo
2il Giro di Lombardia
2000
1af GP Industria & Artigianato di Larciano
1af Trofeo Pantalica
1af 1 Cymal Giro d'Italia
1af 2 Gymal Giro d’Abruzzo
2il Vuelta al País Vasco
1af 1 Cymal
2001
1af Giro di Lombardia
1af 1 Cymal Giro d'Italia
2il 1 Cymal Setmana Catalana
1af Giro d'Abruzzo
1af 1 Cymal
2002 – Saeco
1af Giro del Veneto
1af GP Fred Mengoni
1af Trofeo Laigueglia
2il Tirreno - Adriatico
1af 2 Gymal
1af 1 Cymal Volta a la Comunitat Valenciana
1af 1 Cymal Vuelta a España
2003
1af Coppa Placci
3ydd Amstel Gold Race
1af Tre Valli Varesine
1af 1 Cymal Tirreno - Adriatico
1af Tour de Ligure
1af 1 Cymal
2004
1af Trofeo Matteoti
1af Brixia Tour
1af Cymal 4, Vuelta a Murcia
2il La Flèche Wallonne
4ydd Amstel Gold Race
2005
1af UCI ProTour
1af Amstel Gold Race
1af La Flèche Wallonne
1af Vuelta al País Vasco
1af Cymal 1
4ydd Giro d'Italia
1af Cymal 3
1af Cymal 5
4ydd Züri-Metzgete
5ed Tour de Pologne
2006
1af Cymal 5, Vuelta a España
6ed La Flèche Wallonne
9fed Liège-Bastogne-Liège
2007
1af Milano-Torino
3ydd Amstel Gold Race
3ydd La Flèche Wallonne
1af Liège-Bastogne-Liège
1af Cymal 3, Settimana Internazionale Coppi e Bartali
1af   Giro d'Italia
1af Cymal 4
1af Cymal 12
2008
1af Cymal 4 & Overall, Settimana Ciclistica Lombarda
1af King of the Mountains, Tour of Britain
1af Giro dell'Emilia
2009
Settimana Ciclista Lombarda
1af Cymal 1, Treial Amser Tîm
Giro del Trentino
1af Cymal 4
2il Giro d'Italia
1af Maglio ciclamino
1af Cymal 4
1af Cymal 10

Cyfeiriadau

golygu
  1. ↑ 1.0 1.1  Di Luca positive for CERA in Giro. Cycling News (2009-07-22).
  2. ↑  News Archive. Cycling News (2007-06-28).
  3. ↑  News Archive. Cycling News (2007-06-29).
  4. ↑  CONI to question Petacchi, Di Luca and Mazzoleni. ProCycling.
  5. ↑  Di Luca withdraws from Worlds. Cycling News (2007-09-28).
  6. ↑  Di Luca given doping suspension. BBC Sport (2007-10-17).
  7. ↑ Di Luca still the cold-blooded killer
  8. ↑  Italian Di Luca fails doping test. BBC (22 July 2009).
  9. ↑  Di Luca positive for CERA in 2009 Giro d'Italia. Bike Radar (2009-07-22).

Dolenni allanol

golygu
  Enillwyr Maglia rosa (Crys pinc) Giro d'Italia  
gw • sg • go

1909 Luigi Ganna | 1910–1911 Carlo Galetti | 1912* Team Atala | 1913 Carlo Oriani | 1914 Alfonso Calzolari
1915–1918 Rhyfel Byd Cyntaf
1919 Costante Girardengo | 1920 Gaetano Belloni | 1921–1922 Giovanni Brunero | 1923 Costante Girardengo | 1924 Giuseppe Enrici | 1925 Alfredo Binda | 1926 Giovanni Brunero | 1927–1929 Alfredo Binda | 1930 Luigi Marchisio | 1931 Francesco Camusso | 1932 Antonio Pesenti | 1933 Alfredo Binda | 1934 Learco Guerra | 1935 Vasco Bergamaschi | 1936–1937 Gino Bartali | 1938–1939 Giovanni Valetti | 1940 Fausto Coppi
1941–1945 Ail Ryfel Byd
1946 Gino Bartali | 1947 Fausto Coppi | 1948 Fiorenzo Magni | 1949 Fausto Coppi | 1950 Hugo Koblet | 1951 Fiorenzo Magni | 1952–1953 Fausto Coppi | 1954 Carlo Clerici | 1955 Fiorenzo Magni | 1956 Charly Gaul | 1957 Gastone Nencini | 1958 Ercole Baldini | 1959 Charly Gaul | 1960 Jacques Anquetil | 1961 Arnaldo Pambianco | 1962–1963 Franco Balmamion | 1964 Jacques Anquetil | 1965 Vittorio Adorni | 1966 Gianni Motta | 1967 Felice Gimondi | 1968 Eddy Merckx | 1969 Felice Gimondi | 1970 Eddy Merckx | 1971 Gösta Pettersson | 1972–1974 Eddy Merckx | 1975 Fausto Bertoglio | 1976 Felice Gimondi | 1977 Michel Pollentier | 1978 Johan de Muynck | 1979 Giuseppe Saronni | 1980 Bernard Hinault | 1981 Giovanni Battaglin | 1982 Bernard Hinault | 1983 Giuseppe Saronni | 1984 Francesco Moser | 1985 Bernard Hinault | 1986 Roberto Visentini | 1987 Stephen Roche | 1988 Andy Hampsten | 1989 Laurent Fignon | 1990 Gianni Bugno | 1991 Franco Chioccioli | 1992–1993 Miguel Indurain | 1994 Evgeni Berzin | 1995 Tony Rominger | 1996 Pavel Tonkov | 1997 Ivan Gotti | 1998 Marco Pantani | 1999 Ivan Gotti | 2000 Stefano Garzelli | 2001 Gilberto Simoni | 2002 Paolo Savoldelli | 2003 Gilberto Simoni | 2004 Damiano Cunego | 2005 Paolo Savoldelli | 2006 Ivan Basso | 2007 Danilo Di Luca | 2008 Alberto Contador | 2009 Denis Menchov | 2010 Ivan Basso | 2011 Michele Scarponi | 2012 Ryder Hesjedal
*Cafodd y Giro hwn ei gystadlu gan dimau ac nid unigolion

Wedi dod o "https://cy.wikipedia.org/w/index.php?title=Danilo_Di_Luca&oldid=13062714"