Llusiduonbach

Maint cyflenwol

"Mae Swedeg Safonol Canolog a'r rhan fwyaf o dafodieithoedd Swedeg eraill yn cynnwys nodwedd "maint cyflenwol" prin pan fydd cystain ffonolegol fer yn dilyn llafariad hir a chytsain hir yn dilyn llafariad fer; dim ond mewn sillafau acennog y mae hyn yn wir ac mae pob segment yn fyr mewn sillafau diacen." Ffonotacteg Swedeg

Beth am rai acenion deheuol y Gymraeg, fel f'un i? Dyma sydd gen i o ran llafariaid unigol acennog mewn geiriau lluosill.

strwythur	ynganiad	enghraifft	ynganiad
ˈVV	ˈVˑV	eog	[ˈeˑɔg]
ˈV{b,d,g,v,ð,χ}V	ˈVˑCV	tadau	[ˈtaˑdɛ]
ˈV{m,n,l,r}V	ˈVˑCV / ˈVCˑV	tonau / tonnau	[ˈtoˑnɛ / ˈtɔnˑɛ]
ˈV{p,t,k,f,θ,s,ʃ,ŋ,ɬ,j,w}V	ˈVCˑV	gallu	[ˈgaɬˑi]

Os oes dwy gytsain ar ôl y llafariad, y gytsain ddi-lais gyntaf sy'n lled-hir. Os yw'r ddwy'n lleisiol, yr un gyntaf sy biau hi.

strwythur	ynganiad	enghraifft	ynganiad
ˈVC̥C̥V (gan gynnwys [t͡ʃ])	ˈVC̥ˑC̥V	holltu	[ˈhɔɬˑti]
ˈVC̥C̬V	ˈVC̥ˑC̬V	dathlu	[ˈdaθˑli]
ˈVC̬C̥V	ˈVC̬C̥ˑV	antur	[ˈantˑɪr]
ˈVC̬C̬V (gan gynnwys [d͡ʒ])	ˈVC̬ˑC̬V	blinder	[ˈblɪnˑdɛr]

Ceir eithriadau, wrth gwrs, e.e. mesen [meˑsɛn].

Os ydych yn gwybod am ymchwil i hwn o ran y Gymraeg, neu unrhyw iaith arall, hoffwn i ddysgu mwy.