Doreen Lewis
Cantores canu gwlad a ffermwraig yw Doreen Lewis (ganwyd 4 Ebrill 1953).
| Doreen Lewis | |
|---|---|
| Ganwyd | Doreen Davies  4 Ebrill 1953 Aberystwyth |
| Dinasyddiaeth |  Cymru |
| Galwedigaeth | cerddor, ffermwr |
| Plant | Caryl Lewis |
Bywyd cynnar ac addysg
golyguGanwyd Doreen Davies yn Aberystwyth ac fe'i magwyd yn ardal Abermeurig yn Nyffryn Aeron, Ceredigion.
Cafodd ei haddysg yn Ysgol Gynradd Felinfach ac yna yn Ysgol Gyfun Aberaeron.
Canu
golyguYn 1969, rhyddhaodd Doreen ei record gyntaf Y Storm ar label Cambrian, â hithau ond yn 16 oed. Bu hyn yn ddechrau ar yrfa ddisglair i'r ferch ifanc o Abermeurig.
Daeth yn enw a gwyneb cyfarwydd yn ystod y blynyddoedd wedyn gan ymddangos ar lwyfannau a sgriniau teledu led led Cymru. Aeth ei gyrfa o nerth i nerth gan ryddhau nifer o recordiau ar label Sain, a chaneuon cofiadwy fel “Nans o’r Glyn”, “Rhowch i mi Ganu Gwlad”, “Cae’r Blode Menyn” a “Y Gwr Drwg”.
Hi yw'r unig ferch yn hanes canu pop Cymraeg i'w chyflwyno â disg aur am ei chyfraniad oes i adloniant.[1]
Mae Doreen wedi teithio ar hyd a lled Cymru a thramor yn canu am yn agos i 40 mlynedd – ac mae’n dal i fwynhau’r cyfansoddi a’r perfformio, os yw amser yn caniatau iddi ynghanol bwrlwm adref ar y fferm yng Ngheredigion.
Bywyd personol
golyguPriododd ei gŵr John yn Eglwys Ystrad Aeron yn mis Mai 1972. Ar ôl priodi symudodd y pâr i fyw i Sgwâr Alban yn Aberaeron. Yno fe magwyd eu plant, Gwyndaf a Caryl.[2]
Disgyddiaeth
golyguHa' Bach Mihangel
golygu- Cariad Di-Derfyn
- Os Daw'r Gwas Yn Feistr
- Y Gwely Plu
- Bob Yn Awr Ac Yn Y Man
- Mater Bach O 'Ngalon I
- Dy Oleuni Di
- Y Gwr Drwg
- Aderyn Mewn Llaw
- Rwy'n Siwr
- Ha' Bach Mihangel
- Un Storom Arall
- Cymru, Ti Yw Ngwynfyd
- Pan Edrychi Di I'm Llygaid I
Cyfeiriadau
golygu- ↑ Brenhines canu gwlad , Cambrian News, 9 Rhagfyr 2018. Cyrchwyd ar 9 Rhagfyr 2019.
- ↑ Yr ifanc a ŵyr: Doreen Lewis a Caryl Lewis , BBC Cymru Fyw, 26 Gorffennaf 2018. Cyrchwyd ar 10 Rhagfyr 2018.