Dyddiadur David Tegid Jones, Goppa Trawsfynydd

Prif: Dyddiaduron amgylcheddol Cymreig

Ffynhonnell y ddogfen wreiddiol

Llawysgrif gwreiddiol yn Archifdy Prifysgol Bangor gyda holl bapurau'r fferm yn sgil yr anghydfod isod gan Mrs Jones, Goppa, Trawsfynydd

Cynnwys y dyddiadur

Mae'r holl gofnodion a godwyd hyd yma i'w gweld yn Nhywyddiadur gwefan Llên Natur[1]

Effeithiodd sefydlu Llyn Trawsfynydd yn ddirfawr ar fenter fferm y dyddiadurwr yn ôl yr hanesydd lleol Keith O'Brien:

Y Goppa - bu i lawer o dir gorau’r Goppa ddiflannu o dan y don ac oherwydd hyn bu cryn frwydr rhwng perchennog y fferm, sef David Tegid Jones, neu “Jones Y Goppa” yn ôl ei lysenw, a’r cwmni cynhyrchu trydan, y “North Wales Power Company”. Colli’r frwydr fu hanes Jones Y Goppa, a bu iddo farw ym 1926. O ganlyniad i greu’r llyn bu i feibion Jones chwerwi gydag amaethyddiaeth yn yr ardal ac ymfudasant i Awstralia, ymhle mae’n debyg cawsant well gwobr am ei llafur ar y tir.