Eastwell, Caint

Pentrefan a phlwyf sifil yng Nghaint, De-ddwyrain Lloegr, ydy Eastwell. Fe'i lleolir yn ardal an-fetropolitan Bwrdeistref Ashford. Gorwedd y plwyf yn union i'r gogledd o dref Ashford.

Eastwell

Porthdy i Eastwell Park
Math	pentrefan, plwyf sifil
Ardal weinyddol	Bwrdeistref Ashford
Poblogaeth	91
Daearyddiaeth
Rhan o'r canlynol	Boughton Aluph and Eastwell
Sir	Caint (Sir seremonïol)
Gwlad	Lloegr
Arwynebedd	3.62 km²
Cyfesurynnau	51.1934°N 0.8713°E
Cod SYG	E04004837
Cod OS	TR009473
Cod post	TN25
Ffeiliau perthnasol ar Comin

Yng Nghyfrifiad 2011 roedd gan y plwyf sifil boblogaeth o 103.

Mae'r plwyf yn rhannu cynghorau plwyf sifil a phlwyf eglwys gyda Boughton Aluph cyfagos.

Eglwys blwyf

Cwympodd llawer o Eglwys y Santes Fair, yr eglwys blwyf ganoloesol, ym 1951, a dymchwelwyd y rhan fwyaf o'r adfeilion ym 1956. Dim ond y twr gorllewinol o'r 15g, wal orllewinol yr ystlys deheuol, a chapel daerawd o'r 19g sy'n dal i sefyll. Er 1980 mae'r gweddillion wedi bod yn Heneb Gofrestredig o dan ofal yr elusen Friends of Friendless Churches.

Gweddillion Eglwys y Santes Fair

Eastwell Park

Ystâd wledig fawr a maenordy yn y plwyf sifil yw Eastwell Park. Adeiladwyd y maenordy yn wreiddiol rhwng 1540 a 1550 ar gyfer Syr Thomas Moyle, comisiynydd Harri VIII yn ystod cyfnod diddymu'r mynachlogydd. Codwyd tŷ newydd yn y 18g. Cafodd hyn ei ymestyn yn y 19g, ei ddifrodi gan dân yn y 1920au, a'i ailadeiladu ar raddfa lai ym 1926–8. Adeiladwyd y porthdy, a elwir bellach yn "Eastwell Towers", ym 1848.

Cyfeiriadau

Eginyn erthygl sydd uchod am Gaint. Gallwch helpu Wicipedia drwy ychwanegu ato