Ffars
math o ddrama ysgafn a fwriedir i ddiddanu yn unig, heb soffistigeiddrwydd a deallusrwydd comedi
Genre llenyddol yw'r Ffars (o'r Lladin farcire, 'llenwi i mewn, stwffio'), math o ddrama ysgafn a fwriedir i ddiddanu yn unig, heb soffistigeiddrwydd a deallusrwydd comedi. Bachwyd y gair yn Ffrainc yn yr Oesoedd Canol i ddisgrifio'r 'anterliwtiau' comig a berfformid i ddiddanu'r dorf rhwng actiau dramâu miragl hirfaith.
| Enghraifft o'r canlynol | dosbarth o theatr, genre comedi  |
|---|---|
| Math | comedi, theatre |
Fel rheol mae ffars yn cynnwys elfennau fel sefyllfeydd rhyfedd, cyd-digwyddiadau anghredadwy a gor-bwysleisio abswrd cymeriad a digwyddiad. Cafodd rhai o'r ffarsau gorau eu sgrifennu yn y 19g yn Ffrainc. e.e. gan Feydeau a Labiche.
Mae rhai elfennau'r ffars yn debyg i'r hyn a geir mewn pantomeim.
