Ffurf Llywodraeth Eglwysig Bresbyteraidd

Ffurf Llywodraeth Eglwysig Bresbyteraidd
Enghraifft o'r canlynol	dogfen
Awdur	Cymanfa Westminster
Rhan o	Westminster Standards
	Ffeiliau perthnasol ar Gomin Wicimedia

Dogfen a luniwyd gan Gymanfa Westminster sydd yn ymdrin â llywodraeth Bresbyteraidd yw Ffurf Llywodraeth Eglwysig Bresbyteraidd (Saesneg: The Form of Presbyterial Church Government). Rhan o Safonau Westminster ydyw ac fe'i mabwysiadwyd gan Eglwys yr Alban ym 1645.

Cynnwys

Swyddogion yr eglwys

Mae Ffurf Llywodraeth Eglwysig Bresbyteraidd yn disgrifio pedwar math o swyddog: gweinidogion/bugeiliaid, athrawon/doethuriaid, henduriaid a diaconiaid.

"Gweinidog yr Efengyl" yw bugail, ac un sydd "yn rhagori'n fwy wrth eglurhau'r Ysgrythurau, wrth ddysgu athrawiaeth iachus ac wrth argyhoeddi gwadwyr nac y mae wrth weithredu". Athrawon diwinyddol yw'r doethuriaid yn y bôn, "o ddefnydd ardderchocaf mewn ysgolion a phrifysgolion". Mae'r henadur yn wahanol i'r gweinidog ac mae ganddo ran yn llwywodraeth yr eglwys. Dylai'r diacon "ofalu'n arbennig wrth rannu'r hyn sydd ei angen â'r tlodion".

Strwythur yr eglwys

Disgrifia Ffurf Llywodraeth Eglwysig Bresbyteraidd sut y dylid rhannu'r Eglwys yn gynulleidfaoedd, fel arfer "fesul ffiniau priodol eu cartrefi". Dylai fod o leiaf un gweinidog i bob cynulleidfa yn ogystal ag eraill i lywodraethu. Dylai'r rhai hyn gyfarfod yn gyson a'r gweinidog yn "gymedrolwr" y cyfarfodydd. Enwir hyn yn "gynulliad cynulleidfaol".

Hefyd, mae'r Ffurf yn dadlau dros gorff o'r enw'r "henaduriaeth" neu'r "cynulliad clasurol", a ddylai gynnwys weinidogion a henaduriaid a goruchwylio nifer o gynulleidfaoedd.

Y "cynulliad synodol" yw'r tryddydd math o gynlliad, sydd uwchben lefel yr henaduriaeth.

Ordeinio

Mae rhan olaf y ddogfen yn disgrifio sut y dylai'r henduriaeth ordeinio gweinidogion. Mae'n pennu oedran isaf gweinidogion yn 24 ac yn cynnwys rhestr gynhwysfawr o bwyntiau y dylid arholi ymgeisydd arnynt.

Dolen allanol

The Form of Presbyterial Church Government Archifwyd 2019-04-06 yn y Peiriant Wayback