Flea

Mae Michael Peter Balzary (ganwyd 16 Hydref 1962), sydd yn cael ei adnabod fel Flea, yn faswr ac yn aelod o’r band roc-ffync Red Hot Chilli Peppers ers eu hymffurfiant yn 1983. Mae Flea hefyd wedi chwarae gyda bandiau megis Fear, Jane’s addiction, What is this, ac Atoms for peace.

Flea
Ganwyd	16 Hydref 1962  Melbourne
Man preswyl	Los Angeles
Label recordio	Warner Bros. Records
Dinasyddiaeth	Unol Daleithiau America, Awstralia
Alma mater	Fairfax High School USC Thornton School of Music
Galwedigaeth	gitarydd bas, actor, actor ffilm, trympedwr, canwr, cerddor, actor teledu, pianydd, actor llais
Cyflogwr	Jane's Addiction Red Hot Chili Peppers
Arddull	roc amgen
Priod	Frankie Rayder, Melody Ehsani
Partner	Frankie Rayder
Gwefan	http://www.redhotchilipeppers.com

Yn ei chwarae, mae yna elfennau o Ffync (megis bas slap), Punk, a roc seicedelig yn ei chwarae. Yn 2009, cafodd ei enwi gan Rolling Stone y baswr ail orau yn y byd, dim ond tu ôl i John Entwistle. Yn 2012 cafodd ei fand Red Hot Chilli Peppers ei urddo i'r Rock and Roll Hall of Fame.

Bywyd a Gyrfa

Ganed Flea ym Melbourne, Victoria. Roedd ei dad yn bysgotwr. Ym 1966 symudodd ef a’i deulu i Efrog Newydd. Ym 1971 ysgarodd ei rieni, ac aeth Flea i fyw efo’i fam, a briododd gerddor Jazz. Bu hyn yn achosi i Flea ddechrau cymryd diddordeb yng Ngherddoriaeth Jazz, gan gychwyn chwarae’r trwmped. Aeth Flea i ysgol uwchradd Fairfax, lle bu'n cyfarfod â Anthony Kiedis, a cychwynodd chwarae'r gitar bas. Daeth y ddau ohonyn nhw'n ffrindiau agos, a gyda'r gitarydd Hillel Slovak, ffurfion nhw'r band Anthym. Gadawodd Flea y band ar ôl ychydig o fisoedd i ymuno â'r grwp Fear.