Fritt Ord
Sefydlwyd Institusjonen Fritt Ord (Norwyeg, yn golygu Sefydliad Rhyddid Mynegiant; enw Saesneg swyddogol: Freedom of Expression Foundation), y cyfeirir ato fel rheol fel Fritt Ord, yn Oslo, Norwy ar 7 Mehefin 1974 er mwyn hyrwyddo a diogelu rhyddid mynegiant i lenorion, ysgrifenwyr ac artistiaid yn gyffredinol.[1] Mae Fritt Ord yn gweithio yn bennaf yn Norwy ei hun ond mewn achosion arbennig mae'n gweithio yn erbyn sensoriaeth mewn gwledydd eraill hefyd. Y Cadeirydd ar hyn o bryd yw'r Athro Francis Sejersted, hanesydd ym Mhrifysgol Oslo.[2]
 | |
 | |
| Enghraifft o'r canlynol | sefydliad elusennol, sefydliad di-elw, sefydliad di-elw  |
|---|---|
| Dechrau/Sefydlu | 7 Mehefin 1974 |
| Prif weithredwr | Knut Olav Åmås |
| Sylfaenydd | Jens Henrik Nordlie, Jens Christian Hauge |
| Gweithwyr | 11 |
| Ffurf gyfreithiol | stiftelse |
| Cynnyrch | Gwobr Fritt Ord, Free Media Awards, Fritt Ords honnør |
| Pencadlys | Oslo |
| Gwefan | https://frittord.no/ |
 Ffeiliau perthnasol ar Gomin Wicimedia | |
Prif amcan Fritt Ord yw amddiffyn a hyrwyddo rhyddid mynegiant a'r amgylchiad i fwynhau hynny yn Norwy, yn enwedig trwy hyrwyddo a chefnogi dadleuon agored a'r hawl diymwad i bawb fynegi eu barn. Yn ogystal, mae'n cefnogi agweddau eraill ar ddiwylliant Norwy. Mae'n rhoi dwy wobr flynyddol, sef y Wobr Rhyddid Mynegiant a'r Deyrnged Rhyddid Mynegiant, ac yn cynnig cefnogaeth uniongyrchol i brosiectau arbennig, naill ai o'i benderfyniad ei hun neu ar gais gan eraill.[3]
Cyfeiriadau
golyguDolenni allanol
golygu- Gwefan Fritt Ord (Norwyeg) (Saesneg)