Glyn Berry

Diplomydd o Ganada oedd Glyn Berry (14 Mehefin 1946 – 15 Ionawr 2006). Bu farw mewn ffrwydrad a achoswyd gan fom mewn car yn agos i Kandahar, Affganistan. Lladdwyd dau arall yn yr un ymosodiad a deg o bobl yn cael eu hanafu.

Glyn Berry
Ganwyd	14 Mehefin 1946  y Barri
Bu farw	15 Ionawr 2006  Kandahar
Dinasyddiaeth	Cymru
Alma mater	Prifysgol McMaster Prifysgol Abertawe Prifysgol Dalhousie
Galwedigaeth	diplomydd

Cafodd ei eni a'i fagu yn y Barri, cyn symud i Ganada yn ei ugeiniau. Ymunodd ag Adran Materion Tramor Canada yn 1977. Roedd wedi gwasanaethu fel diplomydd Canadaidd yn Oslo, Havana, Llundain, Islamabad ac yn y Cenhedloedd Unedig yn Efrog Newydd. Yn Affganistan roedd wedi cael ei benodi fel cyfarwyddwr gwleidyddol i'r tîm ailadeiladu taleithiol ar gyfer Adran Materion Tramor Canada yn ardal Kandahar. Fe'i claddwyd yng Nghymru.