Hieronymus Bock

Offeiriad, meddyg, a botanegwr o Almaenwr oedd Hieronymus Tragus Bock (1498 – 21 Chwefror 1554). Arloesodd maes modern botaneg, gan ddefnyddio arsylwadau a disgrifiadau gwyddonol yn lle dulliau ieithegol yr hen ysgolwyr.

Hieronymus Bock
Darluniad o Hieronymus Bock (1546).
Ganwyd	1498  Heidelsheim
Bu farw	21 Chwefror 1554  Hornbach
Dinasyddiaeth	Prince-Bishopric of Speyer
Alma mater	Prifysgol Ruprecht Karl Heidelberg
Galwedigaeth	botanegydd, gweinidog yr Efengyl, pryfetegwr, meddyg

Ni wyddys llawer am ei fywyd. Ganwyd yn Heidersbach, a bu'n gweithio yn Zweibrücken o 1523 i 1533. Symudodd i ganoniaeth Hornbach, ond bu'n rhaid iddo adael ym 1550 am iddo gefnogi Martin Luther. Gweithiodd am gyfnod byr yn feddyg personol i Ddug Nassau, a dychwelodd i Hornbach ym 1551.

Esiampl o dudalennau New Kreuterbuch yn argraffiad Johan Rihel, Strasbwrg (1577 neu 1580)

Yn ei gampwaith New Kreuterbuch ("Llysieulyfr Newydd"; 1539), ysgrifennodd disgrifiadau manwl o ryw 700 o blanhigion, ac yn argraffiad 1546 cynhwysodd darluniadau manwl ohonynt, yn nhrefn ar sail tebygrwydd eu strwythur.