Ioan Roberts
Newyddiadurwr, awdur a golygydd oedd Ioan Roberts (22 Tachwedd 1941 – 29 Rhagfyr 2019).[1]
| Ioan Roberts | |
|---|---|
| Ffugenw | Io Mo  |
| Ganwyd | 22 Tachwedd 1941 Rhoshirwaun |
| Bu farw | 29 Rhagfyr 2019 Porthdinllaen |
| Dinasyddiaeth |  Cymru |
| Alma mater | |
| Galwedigaeth | newyddiadurwr, golygydd, peiriannydd sifil |
Ganwyd yn Rhoshirwaun, Llŷn ac fe'i hyfforddwyd fel peiriannydd sifil.[2]
Cychwynnodd ei yrfa newyddiadurol gyda phapur newydd Y Cymro gan ddod yn brif ohebydd. Bu'n olygydd gyda rhaglen newyddion Y Dydd ar HTV, cyn dod yn olygydd newyddion BBC Radio Cymru, ac yn gynhyrchydd nifer o raglenni S4C. Roedd yn gyd-gynhyrchydd cyfres Hel Straeon gyda Wil Owen.[3]
Yn dilyn ei yrfa ddarlledu, daeth yn olygydd ac awdur llyfrau. Ysgrifennodd a golygodd nifer o lyfrau ffeithiol a bywgraffiadau gan gynnwys casgliadau o luniau'r ffotograffydd Geoff Charles a chofiant i'r ffotonewyddiadurwr rhyngwladol, Philip Jones Griffiths. Golygodd lyfr ar hanes y gyfres deledu C'mon Midffîld!.
Bywyd personol
golyguRoedd yn briod ag Alwena ac yn byw ym Mhwllheli.[4] Roedd ganddynt ddau o blant, Sion a Lois.[2]
Cyfeiriadau
golygu- ↑ "ROBERTS, IOAN (1941 - 2019), newyddiadurwr, cynhyrchydd ac awdur | Y Bywgraffiadur Cymreig". bywgraffiadur.cymru. Cyrchwyd 2024-12-29.
- ↑ 2.0 2.1 Cofio'r newyddiadurwr, awdur a golygydd Ioan Roberts , BBC Cymru, 30 Rhagfyr 2019.
- ↑ Marw’r cyn-newyddiadurwr a golygydd, Ioan Roberts, yn 78 , Golwg360, 30 Rhagfyr 2019.
- ↑ Ioan Roberts. Y Lolfa. Adalwyd ar 30 Rhagfyr 2019.