James Rhys Parry (Eos Eyas)
Bardd a chyfieithydd o Gymru oedd James Rhys Parry (1570 - 1625), a adnabyddir hefyd wrth ei enw barddol Eos Eyas.
| James Rhys Parry | |
|---|---|
| Ganwyd | 1570  |
| Bu farw | 1625 |
| Dinasyddiaeth |  Cymru |
| Galwedigaeth | bardd |
| Plant | George Parry |
Ychydig a wyddys am ei fywyd personol. Roedd yn un o ddisgynyddion y teulu Parry o Poston, Swydd Henffordd.[1] Yn yr Oesoedd Canol roedd y rhan honno o Swydd Henffordd yn rhan o gwmwd ac arglwyddiaeth Ewias a oedd yn cynnwys hefyd rhan o Went a chyfeiria ei enw barddol at yr ardal (mae Eyas yn ffurf hynafiaethol).
Cyfansoddodd Eos Eyas fersiwn mydryddol o Salmau Dafydd rywbryd cyn tua 1620. Cyflwynwyd y cerddi hyn ynghyd â llawysgrifau eraill yr awdur i'r Esgob William Morgan yn ei gyfnod fel Esgob Llandaf. Ymddengys fod yr esgob wedi dangos cyfieithiad Eos Eyas o'r Salmau i Edmwnd Prys, Archddiacon Meirionnydd, cyn i hwnnw gyhoeddi ei gyfrol Salmau Cân yn 1621.[1]
Roedd mab Eos Eyas, George Parry, yn fardd hefyd. Ysgrifennodd yntau fersiwn o'r Salmau tua'r flwyddyn 1649.[1]