Jeremy Clarkson
Newyddiadurwr a chyflwynydd teledu Seisnig yw Jeremy Charles Robert Clarkson (ganwyd 11 Ebrill 1960). Bu'n cyflwyno'r rhaglen geir Top Gear hyd at 2016 ac mae bellach yn arwain y gyfres The Grand Tour (gan Amazon Video) gyda Richard Hammond a James May. Mae hefyd yn sgwennu colofnau ar geir a gyrru yn y Sunday Times a'r Sun.
| Jeremy Clarkson | |
|---|---|
 | |
| Ganwyd | Jeremy Charles Robert Clarkson  11 Ebrill 1960 Cumbernauld |
| Man preswyl | Chipping Norton |
| Dinasyddiaeth |  Lloegr |
| Alma mater |
|
| Galwedigaeth | cyflwynydd teledu, ysgrifennwr, cynhyrchydd ffilm, newyddiadurwr |
| Cyflogwr |
|
| Adnabyddus am | Top Gear, The Grand Tour, Clarkson's Farm |
| Priod | Frances Cain, Alex Hall |
| Gwefan | http://www.jeremyclarkson.co.uk/ |
Hiwmor 'tafod yn ei foch', pendant sydd ganddo, hiwmor sydd wedi achosi sawl ffrae a dadl. Cafodd ei feirniadu droeon gan wleidyddion a beirniaid rhaglenni teledu am ddweud ei ddweud mor eithafol. Ond mae ganddo ei ddilynwyr hefyd - llawer ohonynt - a chredir mai ei bersonoliaeth ef yn bennaf a gododd y rhaglen Top Gear i fod yn un o'r rhai mwyaf llwyddiannus drwy'r byd moduro.
Ar 25 Mawrth 2015 cyhoeddodd perchennog y gyfres Top Gear na fyddent yn adnewyddu cytundeb Clarkson, wedi iddo ymosod yn eiriol ac yn gorfforol ar gynhyrchydd y rhaglen mewn gwesty tra roeddent yn ffilmio.[1][2] Yn dilyn hynny, yn haf 2016, ffurfiodd Clarkson, Hammond, Mai a'r cynhyrchydd Andy Wilman gwmni W. Chump & Sons er mwyn cynhyrchu'r gyfres The Grand Tour ar gyfer Amazon Video.
Teledu golygu
- Top Gear (1988-2000, 2002-2015)
- Clarkson (1998-2000)
- The Grand Tour (2016)
Gweler hefyd golygu
Cyfeiriadau golygu
- ↑ "Jeremy Clarkson dropped by BBC after damning report into assault on producer". The Guardian. 25 Mawrth 2015. Cyrchwyd 25 Mawrth 2015.
- ↑ "Summary text of BBC's report into Jeremy Clarkson 'fracas'". The Guardian. 25 Mawrth 2015. Cyrchwyd 25 Mawrth 2015.