John Mahoney (actor)
Roedd Charles Jonathan "John" Mahoney (20 Mehefin 1940 – 4 Chwefror 2018) yn actor Eingl-Americanaidd. Mae'n cael ei gofio'n bennaf am chwarae rhan Martin Crane yn y comedi sefyllfa Americanaidd Frasier rhwng 1993 a 2004.[1]
| John Mahoney | |
|---|---|
 | |
| Ganwyd | Charles Jonathan Mahoney  20 Mehefin 1940 Blackpool |
| Bu farw | 4 Chwefror 2018 o cancr y pen a'r gwddf Chicago |
| Dinasyddiaeth | y Deyrnas Unedig, Unol Daleithiau America |
| Alma mater |
|
| Galwedigaeth | actor, canwr, actor llais, digrifwr, actor teledu, actor ffilm, actor llwyfan |
| Gwobr/au | Gwobr y 'Theatre World', Gwobr Tony am yr Actor Gorau mewn Drama, Clarence Derwent Awards |
- Mae'r erthygl hon am yr actor Eingl-Americanaidd, am y beldroediwr Cymreig gweler John Mahoney
Cefndir
golyguGanwyd Mahoney yn Blackpool, Swydd Gaerhirfryn, ar 20 Mehefin 1940. Roedd ei deulu yn hanu o Fanceinion ond wedi symud i Blackpool fel faciwîs adeg yr Ail Ryfel Byd.[2] Cafodd ei addysgu yng Ngholeg St Mary's, Blackpool am gyfnod cyn i'w deulu ddychwelyd i ardal Withington o Fanceinion wedi i'r rhyfel orffen. Wedi darfod ei addysg eilradd symudodd Mahoney i Illinois yn yr Unol Daleithiau, lle'r oedd ei chwaer eisoes wedi sefydlu wedi iddi briodi milwr Americanaidd yn ystod y Rhyfel. Wedi cyrraedd yr America aeth yn fyfyriwr i Brifysgol Quincy, Illinois.
Gyrfa
golyguYmunodd Mahoney â byddin yr Unol Daleithiau, yn bennaf fel modd i sicrhau dinasyddiaeth Americanaidd. Fe'i gwnaed yn ddinesydd ym 1959.[3] Bu'n byw yn Macomb, Illinois, gan ennill ei damaid yn dysgu Saesneg ym Mhrifysgol Western Illinois yn y 1970au cynnar, cyn ymgartrefu yn Forest Park, Illinois, ac wedi hynny yn Oak Park, Illinois. Bu'n olygydd cyfnodolyn meddygol trwy lawer o'r ddegawd.
Gyrfa fel actor
golyguDechreuodd actio'n broffesiynol ym 1977 gan ymuno â chwmni Steppenwolf Theatre.[4] Enillodd Wobr Clarence Derwent am yr Actor Theatr Newydd Mwyaf Addawol am ei ran yn y ddrama Orphans gan Lyle Kessler. Enillodd wobr Tony ar gyfer yr Actor Nodwedd Gorau am ei berfformiad Broadway yn The House of Blue Leaves gan John Guare.
Ei rôl ffilm fawr gyntaf oedd yn Tin Men ym 1987. Bu wedyn mewn nifer o ffilmiau eraill gan gynnwys Eight Men Out, Say Anything..., In the Line of Fire, Reality Bites, a The American President. Ymddangosodd mewn dau o ffilmiau'r brodyr Coen, Barton Fink a The Hudsucker Proxy.[5][6]
Frasier
golyguYmddangosodd Mahoney yn y gyfres comedi sefyllfa Frasier o'i bennod gyntaf ym 1993 hyd y bennod olaf yn 2004. Roedd yn chwarae rhan Martin Crane, cyn-filwr a chyn ditectif heddlu wedi ymddeol, a thad y brif gymeriad Frasier Crane a'i frawd Niles.[7] Derbyniodd ddau enwebiad Emmy a ddau enwebiad Golden Globe am chwarae'r rhan.
Marwolaeth
golyguBu farw Mahoney ar 4 Chwefror 2018 tra dan ofal hosbis yn Chicago, yn 77 mlwydd oed.[8][9]
Ffilmyddiaeth
golygu| Blwyddyn | Teitl | Rôl | Nodiadau |
|---|---|---|---|
| 1982 | Mission Hill | ||
| 1985 | Code of Silence | Prowler Representative | |
| 1986 | The Manhattan Project | Lt. Col. Conroy | |
| Streets of Gold | Linnehan | ||
| 1987 | Suspect | Judge Matthew Bishop Helms | |
| Tin Men | Moe Adams | ||
| Moonstruck | Perry | ||
| 1988 | Frantic | Williams, U.S. Embassy Official | |
| Betrayed | Shorty | ||
| Eight Men Out | William 'Kid' Gleason | ||
| 1989 | Say Anything... | James Court | |
| 1990 | Love Hurts | Boomer | |
| 1990 | The Russia House | Brady | |
| 1990 | The Image | Irv Mickelson | |
| 1991 | Barton Fink | W. P. Mayhew | |
| 1992 | Article 99 | Dr. Henry Dreyfoos | |
| 1993 | In the Line of Fire | Sam Campagna | |
| 1993 | Striking Distance | Capt. Vince Hardy | |
| 1994 | A Hard Rain | Ross Stewart | Short film |
| 1994 | Reality Bites | Grant Gubler | |
| 1994 | The Hudsucker Proxy | Chief | |
| 1995 | The American President | Leo Solomon | |
| 1996 | Primal Fear | Shaughnessy | |
| 1996 | She's the One | Mr. Fitzpatrick | |
| 1996 | Mariette in Ecstasy | Dr. Claude Baptiste | |
| 1998 | Antz | Grebs | Voice |
| 1999 | The Iron Giant | General Kenneth Rogard | |
| 2000 | The Broken Hearts Club: A Romantic Comedy | Jack | |
| 2001 | Almost Salinas | Max Harris | |
| 2001 | Atlantis: The Lost Empire | Preston B. Whitmore | Voice |
| 2003 | Atlantis: Milo's Return | Whitmore | Voice |
| 2005 | Kronk's New Groove | Papi | Voice |
| 2007 | Dan in Real Life | Poppy | |
| 2010 | Flipped | Chet Duncan |
Teledu
golygu| Blwyddyn | Teitl | Rôl |
|---|---|---|
| 1982 | Chicago Story | Lt. Roselli |
| 1985 | Lady Blue | Capt. Flynn |
| 1986 | Trapped in Silence | Doctor Winslow |
| 1987 | Saturday Night Live | Fast Eddie Felson / Paul Newman |
| 1987 | American Playhouse | Artie Shaughnessy |
| 1988 | Favorite Son | Lou Brenner |
| 1990 | H.E.L.P. | Chief Patrick Meacham |
| 1992 | The Human Factor | Dr. Alec McMurtry |
| 1992 | The Water Engine | Mason Gross |
| 1992 | Screenplay | Walter Partin |
| 1992 | Cheers | Sy Flembeck |
| 1992 | Unnatural Pursuits | Paddy Quinn |
| 1993–2004 | Frasier | Martin Crane |
| Biography | Narrator | |
| 1996 | 3rd Rock from the Sun | Dr. Leonard Hamlin |
| 1997 | Tracey Takes On... | Jeffrey Ayliss |
| 1998 | Nothing Sacred | Vince Reyneaux |
| 2000 | Becker | Father Joe D'Andrea |
| 2000 | Teacher's Pet | Narrator / Tim Tim Tim (voice) |
| 2003 | Gary the Rat | Steele (voice) |
| 2005 | Fathers and Sons | Gene |
| 2006 | ER | Bennett Cray |
| 2007 | Mobsters | Narrator |
| 2007 | The Simpsons | Dr. Robert Terwilliger, Sr. (voice) |
| 2009 | In Treatment | Walter Barnett |
| 2009, 2010 | Burn Notice | Management |
| 2010 | $#*! My Dad Says | Lt. Col. Wally Durham |
| 2011, 2014 | Hot in Cleveland | Roy |
| 2015 | Foyle's War | Andrew Del Mar |
Cyfeiriadau
golygu- ↑ "The Rembrandt". Archifwyd o'r gwreiddiol ar 2019-08-21. Cyrchwyd 2018-02-06.
- ↑ Gorman, Sophie (29 Mehefin 2014). "Sitcom star John Mahoney all set for festival return". The Irish Independent. Cyrchwyd 5 Chwefror 2018.
- ↑ "John Mahoney Biography (1940–)". Filmreference.com. Cyrchwyd 14 October 2012.
- ↑ "In 1986". Steppenwolf.org. Archifwyd o'r gwreiddiol ar 2012-11-11. Cyrchwyd 14 Hydref 2012.
- ↑ Christoper Orr (2014) "30 Years of Coens: Barton Fink" The Atlantic, 11 Medi 2014; adalwyd 6 Chwefror 2018
- ↑ Christoper Orr (2014) "30 Years of Coens: The Hudsucker Proxy" The Atlantic, 12 Medi 2014; adalwyd 6 Chwefror, 2018
- ↑ Levine, Ken (15 Rhagfyr 2010). "How Frasier Came to Be". Kenlevine.blogspot.com. Cyrchwyd 14 Hydref 2012.
- ↑ Chuba, Kirsten (5 Chwefror 2018). "'Frasier' Star John Mahoney Dies at 77". Variety.
- ↑ Morton, Victor (5 Chwefror 2018). "'Frasier' dad John Mahoney reportedly dies at 77". The Washington Times.