John Thaw
Actor o Sais oedd John Edward Thaw, CBE (3 Ionawr 1942 – 21 Chwefror 2002).[1]
| John Thaw | |
|---|---|
| Ganwyd | John Edward Thaw  3 Ionawr 1942 Longsight |
| Bu farw | 21 Chwefror 2002 Luckington |
| Dinasyddiaeth | y Deyrnas Unedig |
| Alma mater |
|
| Galwedigaeth | actor, actor llwyfan, actor teledu |
| Priod | Sheila Hancock, Sally Alexander |
| Plant | Abigail Thaw |
| Gwobr/au | CBE, Gwobr BAFTA am Actor Gorau mewn Prif Rhan, Gwobr BAFTA am Actor Gorau mewn Prif Rhan |
Ganwyd ym Manceinion, a chafodd ei dderbyn i Academi Frenhinol Celfyddyd Dramatig yn oed 17.[2] Ar deledu, ymddangosodd yn y cyfresi drama Redcap (1964–66), The Sweeney (1975–78), Inspector Morse (1987–2000), a Kavanagh QC (1995–2001), ac yn y comedi sefyllfa Home to Roost (1985–90). Yn ystod ei yrfa theatr, cafodd dro byr gyda'r Royal Shakespeare Company ym 1983 gan chwarae rhannau Syr Toby Belch a'r Cardinal Wolsey,[3] a chwaraeodd Henry Higgins yn Pygmalion ym 1984 a Joe Keller yn All My Sons ym 1985.[1] Ar y sgrin fawr, chwaraeodd y gwleidydd De Affricanaidd Jimmy Kruger yn y ffilm Cry Freedom (1987) a chwaraeodd Fred Karno, impresario y theatr gerdd, yn Chaplin (1992).
Roedd yn briod ddwywaith: i'r hanesydd Sally Alexander, ac i'r actores Sheila Hancock. Cafodd ddwy ferch, Abigail gan ei wraig gyntaf a Joanne gan ei ail wraig, a hefyd ei lysferch Melanie Jane trwy ei briodas i Sheila Hancock.[2] Bu farw John Thaw yn 60 oed o ganser yr oesoffagws.[4]
Cyfeiriadau
golygu- ↑ 1.0 1.1 (Saesneg) Purser, Philip (22 Chwefror 2002). Obituary: John Thaw. The Guardian. Adalwyd ar 26 Awst 2013.
- ↑ 2.0 2.1 (Saesneg) Honan, William H. (23 Chwefror 2002). John Thaw Is Dead at 60; Played TV's Inspector Morse. The New York Times. Adalwyd ar 26 Awst 2013.
- ↑ (Saesneg) Obituary: John Thaw. The Daily Telegraph (23 Chwefror 2002). Adalwyd ar 26 Awst 2013.
- ↑ (Saesneg) Actor John Thaw dies. BBC (22 Chwefror 2002). Adalwyd ar 26 Awst 2013.
Dolen allanol
golygu- (Saesneg) John Thaw ar wefan Internet Movie Database