Jon Hamm

Actor, cyfarwyddwr a chynhyrchydd teledu Americanaidd yw Jonathan Daniel Hamm (ganwyd 10 Mawrth 1971) a gaiff ei adnabod orau am chwarae rhan Don Draper, gweithredwr hysbysebu, yng nghyfres deledu AMC, Mad Men (2007–2015).

Jon Hamm
Ganwyd	10 Mawrth 1971  St. Louis, Unol Daleithiau America
Dinasyddiaeth	Unol Daleithiau America
Alma mater	Prifysgol Missouri Prifysgol Texas, Austin Ysgol John Burroughs, Missouri
Galwedigaeth	actor, cynhyrchydd ffilm, athro, cyfarwyddwr, actor teledu, actor ffilm, actor llais, waiter, cynhyrchydd teledu
Plaid Wleidyddol	plaid Ddemocrataidd
Priod	Anna Osceola
Partner	Jennifer Westfeldt
Gwobr/au	Golden Globes, Gwobr Primetime Emmy am waith Arbennig fel Prif Actor mewn Cyfres Ddrama

Roedd yn byw yn Los Angeles am ran helaeth o ganol y 1990au, gan ymddangos mewn cyfresi teledu fel Providence, The Division, What About Brian, and Related. Yn 2000, gwnaeth ei ymddangosiad cyntaf mewn ffilm nodwedd yn y ffilm antur gofod, Space Cowboys. Y flwyddyn ganlynol, cafodd ran bach yn y gomedi annibynnol, Kissing Jessica Stein (2001).

Cafodd led adnabyddiaeth pan ddechreuodd Mad Men yng Ngorffennaf 2007. Enillodd ei berfformiad ef Wobr Golden Globe ar gyfer Actor Gorau Mewn Cyfres Deledu – Drama yn 2008 ac eto yn 2016, a Gwobr Primetime Emmy ar gyfer yr Actor Gorau Mewn Cyfres Ddrama yn 2015. Cyfarwyddodd dwy bennod o'r sioe.

Yn 2008, ymddangosodd Hamm yn ailwampiad y ffilm ffuglen gwyddoniaeth The Day the Earth Stood Still. Roedd ei ran arweiniol cyntaf mewn ffilm yn 2010 yn y ddrama annibynnol Stolen. Cafodd hefyd rannau cefnogol yn ffilmiau The Town (2010), Sucker Punch (2011), a Bridesmaids (2011). Mae wedi derbyn 16 enwebiad Gwobr Primetime Emmy am ei berfformiadau yn Mad Men, 30 Rock (2006–2013), a Unbreakable Kimmy Schmidt (2015–presennol).

Mae ei gredydau teledu eraill yn cynnwys ymddangos yng nghyfres Sky Arts, A Young Doctor's Notebook a rhannau gwestai yn Black Mirror, Parks and Recreation a Wet Hot American Summer: First Day of Camp. Mae hefyd wedi cael rhannau lleisio yn ffilmiau Shrek Forever After (2010) a Minions (2015).