Agor y brif ddewislen

Ieithydd ac ysgolhaig Lepcha a gysegrodd ei fywyd i astudio'r iaith Lepcha a diwylliant a thraddodiadau ei bobl oedd K. P. Tamsang (1915, Kalimpong - 24 Medi 1985, Gangtok). Roedd o hefyd yn ymgyrchydd diflino dros hawliau'r bobl Lepcha, pobl brodorol Sikkim, Darjeeling a'r cylch, yng ngogledd-ddwyrain India.

K. P. Tamsang
Ganwyd 1915 Edit this on Wikidata
Bu farw 24 Medi 1985 Edit this on Wikidata
Dinasyddiaeth India Edit this on Wikidata
Galwedigaeth geiriadurwr Edit this on Wikidata

Roedd yn fab hynaf i Sando Tshering Tamsang, arweinwr Lepcha yn Bom, Kalimpong. Cafodd ei addysg yn Kalimpong lle daeth yn Ysgrifennydd Cymdeithas y Lepcha (Lepcha Association) ar ddiwedd y 1940au. Yn y 1950au, enillodd ysgoloriaeth i fynd i astudio ym Mhrifysgol Llundain lle cynorthwyodd y Tibetolegydd R. K. Sprigg yn ei astudiaethau ar iaith a diwylliant y Lepcha.

Ar ôl dychwelyd i Kalimpong treuliodd Tamsang ei amser yn astudio'r iaith Lepcha a'i llenyddiaeth. Ymroddodd hefyd i gefnogi a hyrwyddo achos y Lepcha, yn arbennig y rhai tlawd a difreintiedig, a cheisio sicrhau eu hawliau dinesig. Ei brif waith ysgolheigaidd yw ei eiriadur Lepcha-Saesneg, clamp o gyfrol o dros fil o dudalennau, a gyhoeddwyd yn 1980. Ysgrifenodd sawl llyfr yn yr iaith Lepcha yn ogystal, e.e. casgliad o chwedlau gwerin.

LlyfryddiaethGolygu

  • K. P. Tamsang (gol.), The Lepcha-English Encyclopaedic Dictionary (Mayel Clymit Tamsang, Kalimpong, 1980).
  • K. P. Tamsang, The Unknown and Untold Reality about the Lepchas (Lyangsong Tamsang, Kalimpong, 1983; ail argraffiad, 1998)
  • K. P. Tamsang (cyf.), A collection of Lepcha folk tales (Kalimpong, d.d.)