Kasserine

Dinas yn Nhiwnisia yw Kasserine (Arabeg قصرين Al-Qasrayn). Fe'i lleolir yng ngorllewin y wlad ac mae'n ganolfan weinyddol y dalaith (gouvernorat) o'r un enw, sef Kasserine, am y ffin rhwng Tiwnisia ac Algeria. Poblogaeth: 76,243 (2004).[1]

Kasserine
Kasserine.jpg
Mathmunicipality of Tunisia Edit this on Wikidata
Poblogaeth108,794 Edit this on Wikidata
Daearyddiaeth
SirKasserine Edit this on Wikidata
GwladBaner Tiwnisia Tiwnisia
Uwch y môr656 metr Edit this on Wikidata
Yn ffinio gydaFoussana Edit this on Wikidata
Cyfesurynnau35.17°N 8.83°E Edit this on Wikidata
Cod post1253 Edit this on Wikidata

EconomiGolygu

Ei phrif ddiwydiant yw amaethyddiaeth, ac yn enwedig tyfu a phrosesu gwair esparto i wneud papur. Mae'n ganolfan cludiant rhanbarthol. Y trefi agosaf yw Sbeitla (38 km) a Thala (tua 60 km).

AmgylcheddGolygu

Mae'r ardal o gwmpas y ddinas yn fynyddig ac yn rhan o gadwyn Dorsal Tiwnisia. Lleolir Jebel Chambi (1,544 m), mynydd uchaf y wlad, i'r gorllewin. Mae'n oer iawn yn y gaeaf a dydy eira ddim yn anghyffredin.

HanesGolygu

Ar gwr y ddinas fechan ceir safle dinas Rufeinig Cilium. Ceir adfeilion theatr a bwa buddugoliaeth yno. Yn yr Ail Ryfel Byd ymladdwyd Brwydr Kasserine rhwng yr Almaenwyr a'r Cynghreiriaid yn y mynyddoedd ger y ddinas. Llwyddodd Afrika Korps y cadfridog Erwin Rommel i gipio bwlch Kasserine o ddwylo'r Americanwyr ond fe'i cipwyd yn ôl gan y lluoedd Prydeinig wedyn.

Brwydro 2013Golygu

Yn 2013, ymsefydlodd grwp o wrthryfelwyr Islamaidd ym mynyddoedd Jebel Chambi, ger Kasserine. Lladdwyd wyth milwr Tiwnisiaidd gan y gwrthryfelwyr ar 29 Gorffennaf 2013.[2] Ddechrau mis Awst 2013 dechreuodd byddin Tiwnisia ymosod ar eu llochesau gan ddefnyddio gynnau ac ymosodiadau o'r awyr gan awyrennau Llu Awyr Tiwnisia. Yn ôl terfysgwr a ddalwyd, mae'r jihadwyr yn cynnwys Algeriaid, Mawritaniaid a Nigeriaid ond mae'r mwyafrif yn Tiwnisiaid.[2]

CyfeiriadauGolygu

  1. "copi archif". Archifwyd o'r gwreiddiol ar 2015-09-24. Cyrchwyd 2010-05-18.
  2. 2.0 2.1 Tunisie : Le terroriste Mohamed Habib Amri a filmé le massacre des 8 militaires au Mont Chaambi Kapitalis.tn.