Ansar al-Sharia (Tiwnisia)
Mae Ansar al-Sharia (Arabeg : أنصار الشريعة sef 'Amddiffynwyr y Gyfraith Islamaidd'; Ffrangeg: Ansar al-Charia) yn fudiad islamaidd salaffaidd sy'n weithgar yn Tiwnisia ac sy'n hawlio tua 100,000 o gefnogwyr.[1]
 | |
| Enghraifft o'r canlynol | sefydliad  |
|---|---|
| Idioleg | Salafi jihadism |
| Dechrau/Sefydlu | 2011 |
| Gwladwriaeth | Tiwnisia |
- Am fudiadau eraill o'r un enw, gweler Ansar al-Sharia (gwahaniaethu).
Mae'r mudiad yn weithgar ar sawl ffrynt. Ar un lefel, mae aelodau Ansar al-Sharia yn cymryd rhan ym mywyd gwleidyddol Tiwnisia gyda phrotestiadau yn erbyn seciwlariaeth a dylanwadau tramor "anfoesol" e.e. ffilmiau fel Persepolis. Maent hefyd yn darparu elusen i Fwslemiaid tlawd. Ond mae'r mudiad yn cynnwys elfennau jihadaidd hefyd sy'n credu mewn defnyddio trais i sefydlu Islamiaeth yn y wlad ac mewn gwledydd eraill ac a gyhuddir o weithrediadau terfysgol.
Cysylltir jihadwyr Ansar al-Sharia gyda grwp o wrthryfelwyr Islamaidd sydd wedi sefydlu eu hunain ym mynyddoedd Jebel Chambi, ger Kasserine yng ngorllewin y wlad, ger y ffin ag Algeria. Lladdwyd wyth milwr Tiwnisiaidd gan y gwrthryfelwyr ar 29 Gorffennaf 2013.[2] Ddechrau mis Awst 2013 dechreuodd byddin Tiwnisia ymosod ar eu llochesau gan ddefnyddio gynnau ac ymosodiadau o'r awyr gan awyrennau Llu Awyr Tiwnisia. Yn ôl terfysgwr a ddalwyd, mae'r jihadwyr yn cynnwys Algeriaid, Mawritaniaid a Nigeriaid ond mae'r mwyafrif yn Tiwnisiaid.[2]
Cyfeiriadau
golygu- ↑ Aaron Y. Zelin, 'Meeting Tunisia's Ansar al-Sharia' Archifwyd 2013-12-03 yn y Peiriant Wayback, Foreign Policy, 8 Mawrth 2013.
- ↑ 2.0 2.1 Tunisie : Le terroriste Mohamed Habib Amri a filmé le massacre des 8 militaires au Mont Chaambi Kapitalis.tn.
Dolen allanol
golygu- (Ffrangeg) 'Pourquoi les djihadistes s'appellent tous Ansar al-charia?'[dolen farw] Erthygl sy'n trafod y gwahanol grwpiau "Ansar al-Sharia".